قازاقستان وقۋشىلارى فيزيكادان حالىقارالىق وليمپيادادا 1 التىن، 4 كۇمىس مەدال الدى
ءسۇيىنشى جاڭالىقپەن ق ر وقۋ- اعارتۋ ءمينيسترى اسحات ايماعامبەتوۆ Facebook-پاراقشاسىندا ءبولىستى، دەپ حابارلايدى قازاقپارات ءتىلشىسى.
«ۇلتتىق قۇرامامىزدىڭ قورجىنى تاعى دا مەدالدارمەن تولىقتى. وقۋشىلارىمىز كەرەمەت ناتيجە كورسەتىپ، فيزيكادان حالىقارالىق وليمپيادادا (IPhO) 1 التىن جانە 4 كۇمىس مەدال جەڭىپ الدى. جارىس سيۋريح قالاسىندا (شۆەيتساريا) 10-15-شىلدە ارالىعىندا ءوتتى. ەلىمىزدىڭ نامىسىن 5 وقۋشى قورعادى. ولار 75 ەلدەن كەلگەن 368 جاسوسپىرىممەن سىنعا ءتۇستى. بالالارىمىز وتكەن جىلى 5 كۇمىس يە بولعان ەدى. وسىلايشا بيىل وقۋشىلارىمىز بىلتىرعى كورسەتكىشتى جاقسارتا الدى. ۇلتتىق قۇراما قورجىنىنا التىن مەدالدى دانييل شاتوحين، كۇمىس مەدالدى ەرسۇلتان پىتەباي، ۆلاديمير ليم، دىنمۇحاممەد راحىمجانوۆ جانە ريزابەك الپامىس اكەلدى»، - دەدى ول.
مينيستر وقۋشىلاردى ۇلكەن جەتىستىكتەرىمەن قۇتتىقتاپ، الداعى ۋاقىتتا دا جەڭىس تىلەدى.
«وسىنداي بەدەلدى حالىقارالىق وليمپيادالاردىڭ جەڭىمپازدارى اقشالاي سىياقى الىپ، ۇلتتىق جوعارى وقۋ ورىندارىنا ۇ ب ت تاپسىرماي- اق گرانتقا تۇسە الاتىنىن ەسكە سالا كەتەيىن. سونىمەن قاتار جۇلدەگەرلەردىڭ پەداگوگ- تالىمگەرلەرى دە تولەم الادى»، - دەدى اسحات ايماعامبەتوۆ.
بۇعان دەيىن ماتەماتيكادان IMO-2022 حالىقارالىق وليمپياداسىنا قاتىسقان ەلىمىزدىڭ 6 وقۋشىسىنىڭ 3 ەۋى كۇمىس، 3 ەۋى قولا مەدال جەڭىپ العانىن جازعان ەدىك.
