سينگاپۋردىڭ ءبىرىنشى پرەمەرى لي كۋان يۋدى اقتىق ساپارعا شىعارىپ سالۋعا 1,4 ميلليوننان استام ادام باردى
«قاراپايىم حالىق 25-28- ناۋرىز ارالىعىندا لي كۋان يۋ ءمايىتى جاتقان پارلامەنت عيماراتىنا بارا الدى»، - دەلىنگەن حابارلامادا. پارلامەنتتە كەزەكتە كۇتۋ كەي كۇندەرى 10 ساعاتقا دەيىن جەتكەن.
ۇيىمداستىرۋ كوميتەتىنىڭ Facebook جەلىسىندەگى رەسمي پاراقشاسىنا بۇل كۇندەرى شامامەن 4 ميلليون پايدالانۋشى كىرگەن. كوميتەت سايتىنىڭ ءبىر كۇندىك اۋديتورياسى 313 مىڭ ادامعا جەتىپ وتىرعان.
جەكسەنبى كۇنى تاڭەرتەڭنەن سينگاپۋرلىقتار ءبىرىنشى پرەمەرىن اقتىق ساپارعا شىعارىپ سالۋ ءۇشىن ونىڭ مۇردەسىن وتكىزەتىن جەردە ورىن الىپ جاتىر. ۇلتتىق ۋنيۆەرسيتەتتىڭ مادەني ورتالىعىندا جەرگىلىكتى ۋاقىتپەن ساعات 14:00 رەسمي جەرلەۋ ءراسىمى ءوتتى. شامامەن ساعات 16:00 (11:00 م س ك) دابىل قاعىلىپ، بارلىق قالا بويىنشا ءبىر مينۋتتىق ۇنسىزدىك بولادى. بۇل ساتتە جەردەگى بارلىق كولىكتىڭ ءجۇرۋى توقتاتىلادى.
ايتا كەتەيىك، سينگاپۋردىڭ ءبىرىنشى پرەمەرى لي كۋان يۋ 23- ناۋرىزدا جەرگىلىكتى اۋرۋحانالاردىڭ بىرىندە كوز جۇمدى. بۇل جەرگە ول اقپاننىڭ باسىندا وتكىر پنيەۆمونيا دياگنوزىمەن تۇسكەن بولاتىن.
