دوللار باعامى: تاريحي رەكوردقا جەتۋىنە 1,49 تەڭگە عانا قالدى
وسىلايشا ۆاليۋتا باعاسىنىڭ تاريحي رەكوردقا جەتۋىنە 1,49 تەڭگە عانا قالدى، ول - 285,77. دوللار باعامىنىڭ ونداي كورسەتكىشى 2015-جىلى 16- قىركۇيەكتە تىركەلگەن ەدى.
4- قاراشادا العاشقى كەلىسىم 284 تەڭگەمەن جاسالدى. ەڭ تومەنگى باعا - 283,4. ال ەڭ جوعارىسى - 285,5 تەڭگە. ساۋدانىڭ جالپى كولەمى 90.5 ميلليون دوللاردان استى. ساۋداعا ۆاليۋتا نارىعىنىڭ 23 مۇشەسى قاتىستى.
ەسكە سالا كەتەيىك، 3- قاراشاداعى KASE كەشكى سەسسياسىندا دوللار باعامى 283.23 تەڭگەگە جەتكەن ەدى. ايتا كەتەيىك، 2- قاراشادا ق ر ۇلتتىق بانكتىڭ ءتوراعاسى اۋىستى. قايرات كەلىمبەتوۆ وتستاۆكاعا كەتىپ، ورنىنا دانيار اقىشيەۆ كەلدى. ساراپشىلار كەلىمبەتوۆتىڭ وزىنە جۇكتەلگەن مىندەتتى تولىقتاي ورىنداپ شىققانىن ايتتى.
دوللار باعامى تاريحي رەكوردقا جەتكەندە ق ر ۇلتتىق بانكى دوللار باعامىن تومەندەتۋگە قاتىستى شارالاردى قولعا الدى. ينتەرۆەنتسيالار جۇرگىزىلدى.
كەيىن قازاقستاننىڭ ۆاليۋتا نارىعىندا 2015-جىلدىڭ 31- قازانىنا دەيىن كەمىندە 3 ميلليارد ا ق ش دوللارى ساتىلادى دەپ جوسپارلانعانى انىقتالدى. باعام ۇزاق ۋاقىت بويى 270-280 تەڭگە دەڭگەيىندە ساقتالدى. ايتا كەتەيىك، ۇلتتىق بانكتىڭ وكىلدەرى بۇعان دەيىن ينتەرۆەنتسيالار تۋرالى ساۋدا كۇنىنىڭ سوڭىندا حابارلاپ وتىرۋدى ۋادە ەتتى. الايدا دۇيسەنبىدەن بەرى باعام شارىقتاپ كەلە جاتسا دا ينتەرۆەنتسيالار تۋرالى ءسوز بولعان جوق.
