قازاقستان عالىمدارى 1 ميلليارد 460 ميلليون تەڭگە گرانتتى يەلەندى
28- قاراشادا جالپى سوماسى 750 ميلليون تەڭگەنى قۇرايتىن گرانتتاردى العان عىلىمي جوبالاردىڭ 17 جەڭىمپازىنىڭ ەسىمدەرى انىقتالدى، گرانتتار كەلەسى ەكى باعىت بويىنشا ءبولىندى: جۇزەگە اسىرىلۋى 6 ايعا دەيىنگى مەرزىمگە 22 ميلليون تەڭگەگە دەيىنگى قارجىنى العان «تۇجىرىمدامانىڭ نەگىزدەمەسى» باعىتى جانە جۇزەگە اسىرىلۋى 2015-جىلعا دەيىنگى مەرزىمگە 74 ميلليون تەڭگەگە دەيىنگى سوماعا «ونەركاسىپتىك پروتوتيپتى قۇرۋ» باعىتى.
2014-جىلدىڭ 16- قىركۇيەگىنەن باستاپ ق ر ءبىلىم جانە عىلىم مينيسترلىگىنىڭ تەحنولوگيالاردى كوممەرتسيالاندىرۋ ورتالىعى دۇنيەجۇزىلىك بانكتىڭ قولداۋ كورسەتۋىمەن «تەحنولوگيالاردى كوممەرتسيالاندىرۋ» جوباسى گرانتتىق باعدارلاماسىنىڭ 2- ءشى كەزەڭى اياسىندا عىلىمي- تەحنيكالىق قىزمەتتىڭ ۇزدىك جوبالارىنا بايقاۋ وتكىزگەن بولاتىن.
گرانت كوميسسياسى قازاقستانننىڭ بارلىق ايماقتارىنان كەلىپ تۇسكەن 200 دەن اسا ءوتىنىمنىڭ ىشىندەگى ەڭ قىزىقتى دەگەن 57 شەشىمدى ارى قاراي ىرىكتەۋگە وتكىزدى. گرانت كوميسسياسىنىڭ قۇرامىنا ق ر ءبىلىم جانە عىلىم مينيسترلىگىنىڭ، دامۋ ينستيتۋتتارىنىڭ، تەحنولوگيالاردى كوممەرتسيالاندىرۋ ورتالىعىنىڭ وكىلدەرى جانە «CRDF Global» كومپانياسىنىڭ حالىقارالىق ساراپشىلارى كىردى.
«ۇسىنىلعان تەحنولوگيالاردىڭ دەڭگەيى وتە جوعارى بولدى. ارينە، ولاردى ىرىكتەۋ قيىنعا سوقتى، الايدا، يننوۆاتسيالىعىنا جانە كوممەرتسيالاندىرۋ دەڭگەيىنە قويىلعان تالاپتارعا جاۋاپ بەرگەن تەحنولوگيالار عانا ىرىكتەپ الىندى»، - دەيدى «CRDF Global» ازاماتتىق زەرتتەۋلەر جانە دامىتۋ امەريكاندىق قورىنىڭ باستى ساراپشىسى ەريك ازۋلەي.
كوبىنە بەلسەندىلىك الماتى جانە استانا قالالارىندا، سونداي-اق، قاراعاندى جانە وڭتۇستىك قازاقستان وبلىستارىندا بايقالدى. «تەحنولوگيالاردى كوممەرتسيالاندىرۋدىڭ تاجىريبەسى بۇگىنگى كۇنى قازاقستاندىق زەرتتەۋشىلەردىڭ نارىقتا سۇرانىسقا يە تەحنولوگيالاردى جاساپ شىعارۋعا قابىلەتتى ەكەنىن كورسەتىپ وتىر»، - دەيدى «تەحنولوگيالاردى كوممەرتسيالاندىرۋ ورتالىعى» ج ش س باس ديرەكتورى دامير ەگىزبايەۆ.
بايقاۋدا ءبىر ورىنعا 22 ءوتىنىم تالاستى. اقپاراتتىق جانە تەلەكوممۋنيكاتسيالىق تەحنولوگيالار، ەنەرگەتيكا جانە ماشينا جاساۋ، سونداي-اق، تابيعي قورلاردى دۇرىس پايدالانۋ، شيكىزات پەن ءونىمدى قايتا وڭدەۋ سالاسىنداعى بىرەگەي جوبالار جەڭدى.
2014-جىلى «تەحنولوگيالاردى كوممەرتسيالاندىرۋ» جوباسى گرانتتىق باعدارلاماسىنىڭ 2 كەزەڭىنىڭ ناتيجەسى بويىنشا 20 ميلليارد تەڭگەدەن استام جالپى سوماعا 526 ءوتىنىم كەلىپ تۇسكەنىن ەسكە سالامىز، ءبىز ولاردىڭ ىشىندەگى 710 ميلليون تەڭگە سوماسىنداعى 16 جوباعا قولداۋ كورسەتتىك.
2014-جىلى ەكى كەزەڭدە جالپى ەسەپپەن 1 ميلليارد 460 ميلليون تەڭگەگە 33 جوباعا قولداۋ كورسەتىلدى.
