الماتىدا كوپقاباتتى ۇيدەگى ورتتەن 1 ادام قازا بولىپ، 43 ى زارداپ شەكتى

كوپقاباتتى ۇيدەگى ءورت بويىنشا 23 جەدەل جاردەم، سونىڭ ىشىندە 5 جانساقتاۋ بريگاداسى جۇمىلدىرىلدى.
الماتى قالالىق دەنساۋلىق ساقتاۋ باسقارماسىنىڭ مالىمەتىنشە، 4 بالا جانساقتاۋ بولىمىندە جاتىر، تاعى تورتەۋى مەديتسينالىق كومەك كورسەتىلگەننەن كەيىن امبۋلاتورلىق ەمدەۋگە جىبەرىلدى، ءۇش بالانىڭ اتا-اناسى اۋرۋحاناعا جاتقىزۋدان باس تارتتى.
12 ەرەسەك ادام قالالىق كوپبەيىندى اۋرۋحانالارعا جەتكىزىلدى، سونىڭ ىشىندە 5 ادام اۋرۋحاناعا جاتقىزىلدى. باسقالارى قاجەتتى جەدەل مەديتسينالىق كومەك كورسەتىلگەننەن كەيىن امبۋلاتورلىق باقىلاۋعا جىبەرىلدى. ورتتەن زارداپ شەككەن قالعان ادامداردىڭ جاعدايى تۇراقتى.
ءبىر ايەل كوپتەگەن اۋىر جاراقاتتاردان قازا بولدى.
تۇرعىن ءۇي كەشەنىنىڭ كەيبىر تۇرعىندارىنا وقيعا ورنىندا مەديتسينالىق كومەك كورسەتىلدى.
ەسكە سالا كەتەيىك، بۇگىن 16 قاباتتى ۇيدە ءورت شىققان بولاتىن. امالى قالماعان تۇرعىندار بالالارىن تەرەزەدەن لاقتىردى.
قىزىل جالىن ساعات 18:46 كەزىندە ءسوندىرىلدى.
العاشىندا 31 ادام، ونىڭ ىشىندە 16 بالا اۋرۋحاناعا جەتكىزىلگەنى حابارلانعان بولاتىن.
زارداپ شەككەندەردىڭ اراسىندا 2 جۇكتى ايەل بار.