اكتيۆتەردى قايتارۋ: «دۋمان» قوناق ءۇي كەشەنىنىڭ يەلەرىنەن 1,3 ميلليارد تەڭگە ءوندىرىلدى
«جوعارعى سوت قاۋلىسى ەلوردالىق «دۋمان» قوناق ءۇي كەشەنىنىڭ يەلەرىنەن 1,3 ميلليارد تەڭگە ءوندىرىپ الۋعا مۇمكىندىك بەردى. بۇدان باسقا، سوتتار زاڭسىز ساتىلعان مەملەكەتتىك مۇلىكتى قايتارۋ جونىندەگى ونداعان تالاپتاردى قاناعاتتاندىردى. ولاردىڭ ىشىندە وندىرىستىك نىساندار، بازارلار، كوممەرتسيالىق ءۇي- جايلار، ەليتالىق ۋچاسكەلەر جانە باسقالارى بار»، - دەدى بەرىك اسىلوۆ ەكونوميكالىق رەسۋرستاردىڭ زاڭسىز شوعىرلانۋىنا قارسى ءىس- قيمىل ماسەلەلەرى جونىندەگى ۆەدومستۆوارالىق كوميسسيا وتىرىسىندا.
باس پروكۋروردىڭ ايتۋىنشا، سوت شەشىمى بويىنشا اتىراۋ قالاسىنداعى سۇيىتىلعان مۇناي گازدى ساقتاۋ پاركىنىڭ % 50 ۇلەسى اتىراۋ مۇناي وڭدەۋ زاۋىتى مەنشىگىنە قايتارىلدى.
«قۇقىق قورعاۋ ورگاندارى قىلمىستىق ىستەر شەڭبەرىندە جالپى 620 ميلليارد تەڭگەگە اكتيۆتەردى قايتاردى، ونىڭ ىشىندە شەتەلدىك يۋريسديكسيالاردان 575 ميلليون دوللار كەلدى. باسقا مەملەكەتتەرگە قۇقىقتىق كومەك كورسەتۋ تۋرالى 100-دەن استام سۇراۋ حات جولداندى. ولار بويىنشا 100 ميلليون ا ق ش دوللارىنان اساتىن مۇلىككە تىيىم سالىندى»، - دەدى ب. اسىلوۆ.
قارجى مينيسترلىگى قارجى- ونەركاسىپ توپتارىنىڭ كاسىپورىندارىنان قوسىمشا 100 ميلليارد تەڭگەدەن استام سالىق ءوندىرىپ الدى.
ەكولوگيا جانە تابيعي رەسۋرستار مينيسترلىگى قارجى- ونەركاسىپ توپتارىنىڭ كومپانيالارىنا 7 ميلليارد تەڭگەگە جۋىق ايىپپۇل سالدى، ال باسەكەلەستىكتى قولداۋ جانە دامىتۋ اگەنتتىگى 4 ميلليارد تەڭگەگە سانكسيالار قولداندى.
پروكۋرورلاردىڭ شارالارى ارقىلى وليگوپوليا سۋبەكتىلەرىنە بۇرىن نەگىزسىز بەرىلگەن نەمەسە نىسانالى ماقساتى بويىنشا پايدالانىلمايتىن 460 مىڭ گەكتاردان استام جەر قايتارىلدى.
سونداي- اق نارىق باعاسىنان 4 ەسە تومەن باعامەن ساتىپ الىنعان الماتىنىڭ كوتەرمە ساۋدا نارىعىنداعى ۇلەسى، وليگوپوليا سۋبەكتىلەرىنىڭ مەنشىگىندە زاڭسىز بولعان الماتى اۋەجايىنىڭ 17 كوممەرتسيالىق ءۇي- جايلارى مەملەكەتكە قايتارىلدى.
ايتا كەتەيىك، باس پروكۋراتۋرادا ەكونوميكالىق رەسۋرستاردىڭ زاڭسىز شوعىرلانۋىنا قارسى ءىس- قيمىل ماسەلەلەرى جونىندەگى ۆەدومستۆوارالىق كوميسسيانىڭ كەزەكتى وتىرىسى ءوتتى. تۇتاستاي العاندا، مەملەكەتكە ورتاق كۇش- جىگەرمەن 760 ميلليارد تەڭگەدەن استام سوماعا اكتيۆتەر قايتارىلدى، ونىڭ ىشىندە شەتەلدىك يۋريسديكتسيالاردان 575 ميلليون دوللار كەلگەن.