الماتىلىقتارعا ءوز كاسىبىن اشۋ ءۇشىن مەملەكەتتەن 1,3 ميلليون تەڭگە گرانت بەرىلەدى
بۇل تۋرالى وڭىرلىك كوممۋنيكاتسيالار قىزمەتى الاڭىندا قالالىق جۇمىسپەن قامتۋ ورتالىعىنىڭ ديرەكتورى ساعىندىق كەنجەبايەۆ ءمالىم ەتتى، دەپ حابارلايدى قازاقپارات ءتىلشىسى.
سپيكەردىن سوزىنشە، بيزنەس- يدەيالاردى ىسكە اسىرۋعا ارنالعان گرانتتار الەۋمەتتىك وسال توپتاردىڭ ازاماتتارى ءۇشىن بولىنەتىن بولادى. بۇگىنگى تاڭدا كوميسسيا 1059 ءوتىنىمدى قارادى، ونىڭ 94 ءى ماقۇلداندى، 965 ءوتىنىش قابىلدانبادى.
«400 ەسەلەنگەن ايلىق ەسەپتىك كورسەتكىش (1380000 تەڭگە) مولشەرىندەگى مەملەكەتتىك گرانت - جاڭا بيزنەستى باستاۋ جانە دامىتۋ ءۇشىن قايتارىمسىز نەگىزدە بەرىلەتىن باستاپقى كاپيتال»، - دەدى ساعىندىق كەنجەبايەۆ.
ايتۋىنشا، گرانتتار كەلەسى باعىتتاردا قولدانۋ ءۇشىن بەرىلەدى: ەڭبەك قۇرالدارىن، تەحنولوگيالىق جابدىقتى، جانۋارلاردى، مالداردى، قۇستاردى، كوشەتتەردى، بۇتالاردى، تۇقىمداردى، كوشەتتەردى ساتىپ الۋ، ءۇي- جايلاردى جالعا الۋ اقىسىن تولەۋ. گرانتتار تۇتىنۋشىلىق ماقساتتارعا، كرەديتتىك قارىزداردى وتەۋگە، جىلجىمايتىن تۇرعىن ءۇي ساتىپ الۋعا جانە سالۋعا، جەر ۋچاسكەلەرىن ساتىپ الۋعا، اكسيزدەلەتىن ونىمدەر وندىرۋگە بەرىلمەيدى.
گرانتتار الۋدىڭ نەگىزگى شارتتارى:
1. جۇمىسپەن قامتۋدىڭ مىناداي ساناتتارىنىڭ بىرىنە جاتۋ:
- تىركەلگەن جۇمىسسىزدار
- جەكە كاسىپكەرلەر (3 جىلعا دەيىن)
2. كەلەسى الەۋمەتتىك ساناتتاردىڭ بىرىنە جاتۋ:
- كوپبالالى تۇلعالار- كوپبالالى جاردەماقى الۋشىلار (جۇبايى، زايىبى)
- قونىس اۋدارۋشىلار جانە ولاردىڭ ەڭبەككە قابىلەتتى وتباسى مۇشەلەرى
- مۇمكىندىگى شەكتەۋلى بالانى تاربيەلەۋشى جاردەماقى الاتىن ادامدار (جۇبايى، زايىبى).
- اتاۋلى الەۋمەتتىك كومەك الۋشى از قامتىلعان ادامدار جانە ولاردىڭ وتباسى مۇشەلەرى.
- اسىراۋشىسىنان ايرىلۋ جاعدايى بويىنشا الەۋمەتتىك جاردەماقى الۋشىلار
- كانداس مارتەبەسى بار ادامدار
- مۇمكىندىگى شەكتەۋلى ادامدار
3. «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋ تۋرالى سەرتيفيكاتىنىڭ بولۋى. (وقۋدى ونلاين تۇردە skills.enbek.kz پورتالى ارقىلى وتۋگە بولادى)
«گرانت الۋعا كانديداتتاردىڭ ءوتىنىشى مەن بيزنەس- جوباسىن حالىقتى جۇمىسپەن قامتۋ ورتالىعى، «اتامەكەن» وڭىرلىك كاسىپكەرلەر پالاتاسى، جەرگىلىكتى اتقارۋشى ورگاندار، قوعامدىق بىرلەستىكتەر، عىلىمي- ءبىلىم بەرۋ مەكەمەلەرى وكىلدەرىنىڭ، بيزنەس، وڭىرلىك بۇقارالىق اقپارات قۇرالدارى وكىلدەرىنىڭ، سالالىق ساراپشىلاردىڭ قاتىسۋىمەن قۇرىلعان كوميسسيانىڭ وتىرىسىنا قاراۋعا شىعارادى. حالىقتى جۇمىسپەن قامتۋ ورتالىعى ونىڭ قۇرامىنا كىرمەيدى جانە شەشىم قابىلداۋ كەزىندە داۋىس بەرمەيدى»، - دەپ تولىقتىردى سپيكەر.
سونداي- اق، گرانت العان ساتتەن باستاپ باستى شارت جەكە كاسىپكەر رەتىندە ءۇش اي ىشىندە تىركەلۋى ءتيىس.
گرانتقا ءوتىنىش بەرۋ ءۇشىن business.enbek.kz. پورتالىنا تىركەلۋ قاجەت. بارلىق سۇراقتار بويىنشا حالىقتى جۇمىسپەن قامتۋ ورتالىعىنا، دوستىق داڭعىلى 85، «الەۋمەتتىك قىزمەتتەر ءۇيى» مەكەنجايى بويىنشا نەمەسە 3104782 ءبىرىڭعاي ءنومىرى بويىنشا حابارلاسۋعا بولادى.