10:33, 28 - مامىر 2021 | GMT +5
قازاقستاندىق وقۋشىلار فيزيكادان ازيا وليمپياداسىندا 1 «التىن»، 3 «قولا» يەلەندى
نۇر- سۇلتان. قازاقپارات - فيزيكا ءپانى بويىنشا وتكەن ازيا وليمپياداسىندا قازاقستاندىق وقۋشىلار ءبىر التىن جانە ءۇش قولا مەدال جەڭىپ الدى. بۇل تۋرالى ق ر ءبىلىم جانە عىلىم مينيسترلىگىنەن ءمالىم ەتتى، دەپ حابارلايدى قازاقپارات.
زياتكەرلىك جارىسقا الەمنىڭ 23 ەلىنەن كوماندالار قاتىستى. ەلىمىزدىڭ اتىنان ءبىلىم سايىسىنا نۇر- سۇلتان، پاۆلودار جانە تاراز قالالارىنىڭ مەكتەپتەرىنەن 8 وقۋشى ءتۇستى. ولاردىڭ بارلىعىن تاجىريبەلى پەداگوگتەر دايىندادى. ەندى ولار باسقا دا جارىستارعا قاتىسۋدى جوسپارلاپ وتىر.
قازاقستاندىق جەتكىنشەكتەردى الدا جاڭا حالىقارالىق بايقاۋلار كۇتىپ تۇر. ازيا وليمپياداسىنا قاتىسۋشىلاردى ق ر ءبىلىم جانە عىلىم ءمينيسترى اسحات ايماعامبەتوۆ Facebook-پاراقشاسىندا قۇتتىقتادى.
مينيستر وقۋشىلارعا جاڭا بيىكتەردى باعىندىرۋ جولىندا ساتتىلىك تىلەدى. جەڭىمپازدار مەن جۇلدەگەرلەر: دىنمۇحاممەد راحيمجانوۆ، راۋان قالدىبايەۆ، انتون دراگانچۋك، دانيل شاتوحين، ۆلاديمير ليم، جالعاس سايلاۋباي.
