اۋىل شارۋاشىلىعى ءونىمىنىڭ كولەمىن 1,3 ەسەگە ۇلعايتۋ كەرەك - اسقار مامين
بۇل تۋرالى بۇگىن ۇكىمەت وتىرىسىندا ق ر پرەمەر- ءمينيسترى اسقار مامين ايتتى، دەپ حابارلايدى قازاقپارات ءتىلشىسى.
«اگروونەركاسىپتىك كەشەندى دامىتۋ، ونىڭ ىشىندە ىشكى نارىقتى وتاندىق ازىق- تۇلىكپەن مولىقتىرۋ - ۇكىمەتتىڭ ستراتەگيالىق مىندەتى بولىپ تابىلادى. بۇل رەتتە، بىرىككەن ۇلتتار ۇيىمىنىڭ جانىنداعى ازىق- تۇلىك ۇيىمىنىڭ بولجامى بويىنشا ەلىمىز الەمدىك ازىق- تۇلىك حابىنىڭ ءبىرى بولۋعا ناقتى مۇمكىندىگى بار. «نۇر وتان» پارتياسىنىڭ باعدارلاماسى بويىنشا الدىمىزدا اۋىل شارۋاشىلىعى تاۋارلارىن ءوندىرۋ مەن وڭدەۋ بويىنشا ءىرى ەكوجۇيەلەردى قۇرۋ، سۋبسيديا بەرۋ جۇيەسىن رەفورمالاۋ، اۋىلداعى كووپەراتسيانى ىنتالاندىرۋ، سونداي- اق ۆەتەريناريالىق جانە فيتوسانيتاريالىق قىزمەتتەردى جانە اگرارلىق عىلىمدى ءارى قاراي دامىتۋ مىندەتتەرى تۇر»، - دەدى ۇكىمەت باسشىسى.
پرەمەر- ءمينيستردىڭ اتاپ وتۋىنشە، وسى شارالاردى ىسكە اسىرۋ ناتيجەسىندە اگروونەركاسىپتىك كەشەندە ەڭبەك ونىمدىلىگىن 2,5 ەسەگە ارتتىرۋ جانە 70 پايىز وڭدەلگەن ءونىمدى ەكسپورتتاۋدى ەكى ەسەگە ۇلعايتۋ جوسپارلانىپ وتىر.
«بۇدان باسقا جالپى اۋىل شارۋاشىلىعى ءونىمىنىڭ كولەمىن 1,3 ەسەگە ۇلعايتۋ كەرەك. بۇل رەتتە، 2023 -جىلعا قاراي ىشكى نارىقتى الەۋمەتتىك ماڭىزى بار نەگىزگى ازىق- تۇلىك تاۋارلارى بويىنشا وتاندىق ونىممەن 100 پايىز مولىقتىرۋ قامتاماسىز ەتىلەدى»، - دەدى اسقار مامين.