اقتوبەدە 1 جانە 3 جاسار سابيلەردەن كوروناۆيرۋس انىقتالدى

اقتوبە وبلىسى بويىنشا ساعات 9:20 دا تاعى جەتى تۇرعىننىڭ ىندەتكە شالدىققانى بەلگىلى بولدى. لابوراتوريالىق زەرتتەۋ ناتيجەسىندە 1، 3، 8 جاستاعى بالالار مەن 41، 44، 26 جاستاعى تۇرعىندار ينفەكتسيالىق اۋرۋحاناعا جاتقىزىلدى. سونىمەن بىرگە، 80 جاستاعى قاريادان دا ۆيرۋس انىقتالدى.

«ولاردىڭ بارلىعى ۆيرۋس جۇقتىرعان ادامدارمەن قارىم- قاتىناستا بولعان، مەديتسينالىق باقىلاۋعا الىنعان. زەرتحانالىق زەرتتەۋ ناتيجەسى COVID-19 دياگنوزى ناقتىلاندى. قازىرگى تاڭدا ولار وبلىستىق جۇقپالى اۋرۋلار ستاتسيونارىنىڭ بوكس پالاتاسىنا جاتقىزىلدى. جاعدايى - قاناعاتتانارلىق. بەكىتىلگەن حاتتاماعا سايكەس ءتيىستى ەم جاسالىپ جاتىر. ناۋقاسپەن قارىم- قاتىناستا بولعان ادامدار انىقتالىپ، بارلىعى مەديتسينالىق باقىلاۋعا الىندى. اۋرۋ وشاقتارىندا ەپيدەميولوگيالىق زەرتتەۋ، دەزينفەكتسيالىق جۇمىستار جۇرگىزىلدى»، - دەپ حابارلادى وبلىستىق تاۋارلار مەن كورسەتىلەتىن قىزمەتتەر ساپاسى مەن قاۋىپسىزدىگىن باقىلاۋ دەپارتامەنتىنىڭ باسپا ءسوز قىزمەتى.