قازاقستاندىق كەسىكبايەۆتىڭ ايەلىنەن مالايزيانىڭ ىشكى كىرىستەر باسقارماسى 1,3 ميلليارد تەڭگە تالاپ ەتتى

مالايزيانىڭ ەكس-پرەمەر-ءمينيسترىنىڭ قىزى مۇنداي سومانى سالىقتان جالتارعانى ءۇشىن تولەۋى كەرەك دەپ جازادى The Strait Times سايتىنا سىلتەمە جاساعان KAZ. NUR. KZ.

Bernama ۇلتتىق اقپاراتتىق اگەنتتىگىنىڭ حابارلاۋىنشا، 24- شىلدەدە باسقارما نادجيب رازاكتىڭ 31 جاستاعى قىزى نۋريانا نادجۆاعا قارسى شاح-الاماداعى جوعارعى سوتقا جۇگىنگەن.

ۆەدومستۆونىڭ پىكىرىنشە، كەسىكبايەۆتىڭ جۇبايى ءوزىنىڭ كىرىسى بويىنشا التى جىلدان بەرى (2011-2017) دەكلاراتسيا كورسەتپەگەن. سونىمەن قاتار، ول جىلدار بويى سالىق تولەمەگەن، ول ءۇشىن وعان قارىز سوماسىنان %10 ايىپپۇل سالىندى.

شەشىم قابىلدانعاننان كەيىن ەكس-پرەمەردىڭ قىزىنا سالىناتىن ايىپپۇلدىڭ تاعى %5 كەشىكتىرىلگەن تولەم ءۇشىن سالىنعان.

ءىستى قاراۋ 12-قىركۇيەككە بەلگىلەنگەن.

اگەنتتىكتىڭ حابارلاۋىنشا، سالىق تولەۋدەن جالتارۋ تۋرالى سوت ءىسى بۇرىنعى ءمينيستردىڭ ۇلى موحدە نازيفۋددينگە دە قاۋىپ توندىرەدى.