الەمدە جىل سايىن 1,3 ميلليون ادام جول اپاتىنان قازا بولادى
قۇربان بولعانداردىڭ تەڭ جارىمى - جاياۋ جول جۇرگىنشىلەرى، ۆەلوسيپەدشىلەر مەن بايكەرلەر. بۇل مالىمەت ب ۇ ۇ- نىڭ قورشاعان ورتا جونىندەگى جاڭا بايانداماسىندا جاريا ەتىلدى، دەپ حابارلايدى «حابار 24».
ساراپشىلاردىڭ ايتۋىنشا، قالالار ينفراقۇرىلىمىن دۇرىس دامىتسا، ميلليونداعان ادامدى اجالدان اراشالاپ قالۋعا بولادى. باياندامانىڭ پىكىرىنشە، قالا سالۋشىلار جاياۋ جانە ۆەلوسيپەدپەن سەرۋەندەيتىن ارنايى ايماقتار قۇرۋعا ءمان بەرۋى ءتيىس. بۇل قورشاعان ورتانىڭ ساقتالۋىنا دا سەپتىگىن تيگىزەدى.
ب ۇ ۇ- نىڭ مالىمەتىنە جۇگىنسەك، اۋانى لاستايتىن زياندى زاتتاردىڭ 23 پايىزى اۆتوكولىكتەر ۇلەسىنە تيەدى. ا ق ش، گوللانديا مەن شۆەتسيادا افريكا ەلدەرىنە قاراعاندا جول اپاتى سيرەك بولادى. مىسالى، ماليدە جاياۋ جۇرگىنشىلەر مەن ۆەلوسيپەدشىلەر قۇربانداردىڭ 66 پايىزىن قۇرايدى. ۇيىم وكىلدەرىنىڭ پايىمداۋىنشا، قاۋىپسىز جولداردىڭ اشىلۋىن كوزدەيتىن جوبالاردىڭ قارجىلاندىرۋى ارتسا، حالىقتىڭ دەنساۋلىعى جاقسارىپ، اۋانى لاستايتىن زياندى زاتتار ۇلەسى دە ازايار ەدى.
