رەسەي جالعا الىپ وتىرعان پوليگونداردى قايتارىپ، تولەمدى 1 ميلليون 373 مىڭ دوللارعا قىسقارتادى

استانا. قازاقپارات - بۇگىن پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى 1996-جىلعى 18- قازانداعى قازاقستان رەسپۋبليكاسىنىڭ ۇكىمەتى مەن رەسەي فەدەراتسياسى ۇكىمەتىنىڭ اراسىنداعى قازاقستان رەسپۋبليكاسىنىڭ اۋماعىنا ورنالاسقان رەسەي فەدەراتسياسىنىڭ 929 مەملەكەتتىك ۇشۋ - سىناق ورتالىعىنىڭ وبەكتىلەرى مەن جاۋىنگەرلىك الاڭدارىن جالداۋ تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» ق ر زاڭى قابىلداندى.

ق ر قورعانىس ءمينيسترىنىڭ ورىنباسارى، گەنەرال-لەيتەنانت وقاس ساپاروۆتىڭ رەسەيدەن جالپى الاڭى 580 مىڭ 210 گەكتار جەر ۋچاسكەلەرى جالعا الۋدان قايتارىلۋىنا بايلانىستى جالداۋ سوماسى قايتا قارالادى. حاتتاما وسى ماسەلەلەردى رەتتەيدى. «اتاپ ايتقاندا، پوليگون ۋچاسكەلەرى جالعا بەرىلۋدەن شىعارىلۋىنا بايلانىستى 2016-جىلدان باستاپ رەسەي 3 ميلليون 81 مىڭ دوللاردى سايكەسىنشە، 1 ميلليون 373 مىڭ دوللارعا قىسقارتادى. جالداۋدان شىعارىلاتىن جەر ۋچاسكەلەرىندە پايدالى قازبالار ءوندىرۋ بويىنشا جوبالار جۇزەگە اسىرىلاتىن بولادى. شارۋاشىلىق سۋبەكتىلەر قىزمەتىنەن رەسپۋبليكالىق بيۋدجەتكە جالداۋ اقىسىن وتەلەتىنى كۇتىلەدى»، دەدى و. ساپاروۆ.

ونىڭ ايتۋىنشا، قۇجاتتى قابىلداۋ تەرىس الەۋمەتتىك ەكونوميكالىق سالدارعا سوقتىرمايدى. ويتكەنى، جالعا بەرۋدەن قايتارىلعان جەر ۋچاسكەلەرىندە وندىرىستىك، پايدالى قازبالاردى وڭدەۋ جوبالارى جۇزەگە اسىرىلادى. وسىلايشا، جالداۋ قاراجاتى قىسقارتىلعانىمەن، ونىڭ ورنى پوليگونداردى ەل يگىلىگىنە پايدالانۋ ارقىلى تولىعاتىن بولادى. «رەسەي جالداپ وتىرعان پوليگون ۋچاسكەلەرىن قايتارۋعا دەپۋتاتتىق كورپۋس اسا بەلسەندى ارالاسىپ، كوپجىلدىق كەلىسسوزدەر ناتيجەسى بولىپ تابىلادى»، دەدى و. ساپاروۆ.

اۆتور: قانات مامەتقازى ۇلى