قازاقستان بيۋجەتى 1 دوللار 350 تەڭگەگە ەسەپتەلدى
ايتا كەتەيىك، ۇكىمەت وتىرىسىندا مينيسترلەر 2019-2023-جىلدارعا ارنالعان قازاقستاننىڭ الەۋمەتتىك- ەكونوميكالىق دامۋ بولجامىن، سونىمەن قاتار 2019-2021-جىلدارعا ارنالعان رەسپۋبليكالىق بيۋجەت تۋرالى جانە 2019-2021-جىلدارعا ارنالعان قر ۇلتتىق قورىنان كەپىلدەندىرىگەن ترانسفەرت تۋرالى ق ر زاڭدارىنىڭ جوباسىن تالقىلاعان ەدى.
«تاياۋ جىلعا مۇنايدىڭ ءبىر باررەلىن 60 دوللارمەن بەكىتەمىز. وزدەرىڭىز دە بىلەتىندەي، بىزدە بۇل كورسەتكىش سىرعىمالى نەگىزدە. ياعني، بۇل پارامەترلەردى قايتا قاراستىرۋعا مۇمكىندىگىمىز بار. باعامعا كەلەر بولساق، ءبىز باعامدى بولجامايمىز... بيۋجەت جوباسىن قالىپتاستىرۋ ءۇشىن قولداناتىن باعام كەلەسى جىلعا ءبىر دوللار ءۇشىن 350 تەڭگە بولادى»، - دەدى ول ب ا ق وكىلدەرىنە.
ونىڭ سوزىنە قاراعاندا، بيۋجەتتە تۇبەگەيلى وزگەرىستەر بولمايدى.
«بيۋجەت ادەتتەگىدەي الەۋمەتتىك باعىتقا باعدارلانعان. شىعىستاردىڭ باسىم بولىگى ءاربىر قازاقستاندىقتىڭ ءومىر دەڭگەيىن قولداۋعا باعىتتالعان. بيۋجەتتىڭ دامۋ بولىگى دە بار. ول اگرووەنركاسىپ كەشەنىن، شاعىن جانە ورتا بيزنەستى دامىتۋدى كوزدەيتىن مەملەكەتتىك باعدارلامالارعا باعىتتالاناتىنى تۇسىنىكتى. ياعني، تۇبەگەيلى وزگەرىستەر بولا قويمايدى»، - دەدى تيمۋر سۇلەيمەنوۆ.
