12:05, 03 - ءساۋىر 2022 | GMT +5
باكۋدە تۇنگى كلۋبتاعى جارىلىستان 1 ادام قازا تاۋىپ، 31 ادام جاراقات الدى
باكۋ. TREND - قازاقپارات – 2-ءساۋىر تۇندە ازەربايجان استاناسى باكۋدەگى تۇنگى كلۋبتا جارىلىس بولدى.
جارىلىستان ءبىر ادام قازا تاۋىپ، 31 ادام جاراقات الدى، دەپ حابارلايدى قازاقپارات Trend اگەنتتىگىنە سىلتەمە جاساپ.
«قازىرگى ۋاقىتتا ەلدىڭ ءتيىستى ۆەدومستۆولارىنىڭ قىزمەتكەرلەرى وقيعا ورنىندا ءجۇر. ازەربايجان پروكۋراتۋرانىڭ تەرگەۋشىلەرى مەن كريميناليستەرى قاجەتتى تەرگەۋ ارەكەتتەرىن جاساپ جاتىر. الدىن الا بەرىلگەن اقپاراتتىڭ مالىمەتىنشە، وقيعا سالدارىنان 1 ادام قازا تاۋىپ، 31 ادام ءتۇرلى دارەجەدەگى دەنە جاراقاتىن الدى»، - دەلىنگەن اگەنتتىك حابارلاماسىندا.
