قىرعىزستان پرەزيدەنتى 1-2-مامىردى ازا تۇتۋ كۇندەرى دەپ جاريالادى

بۇل تۋرالى قازاقپارات كابار اقپاراتتىق اگەنتتىگىنە سىلتەمە جاساپ حابارلايدى.

29-30-ءساۋىر كۇندەرى باتكەن وبلىسىنداعى قىرعىز- تاجىك شەكاراسىنداعى قارۋلى قاقتىعىس سالدارىنان كوپ ادام قازا تاۋىپ، زارداپ شەككەن. ولاردىڭ اراسىندا بەيبىت تۇرعىندار دا، اسكەري قىزمەتكەرلەر دە بار. قارۋلى قاقتىعىس سالدارىنان بەيبىت تۇرعىنداردىڭ جانە زاڭدى تۇلعالاردىڭ مۇلىگى ايتارلىقتاي زاقىمدالعان.

«وسىلايشا، قازا بولعانداردىڭ تۋىستارى مەن جاقىندارىنا قايعىرىپ كوڭىل ايتامىن جانە قاۋلى ەتەمىن:

- قىرعىزستان رەسپۋبليكاسىندا 2021 -جىلدىڭ 1 جانە 2-مامىر كۇندەرىن ۇلتتىق ازا تۇتۋ كۇندەرى ەتىپ جاريالانسىن؛

- ۇلتتىق ازا تۇتۋ كۇندەرى ەلدىڭ بۇكىل اۋماعىندا، سونداي-اق شەتەلدەگى ديپلوماتيالىق جانە كونسۋلدىق مەكەمەلەردە قىرعىزستان رەسپۋبليكاسىنىڭ مەملەكەتتىك تۋلارى ءتۇسىرىلسىن؛

- مادەنيەت مەكەمەلەرى جانە تەلەراديوكومپانيالارعا ۇلتتىق ازا تۇتۋ كۇندەرى ويىن- ساۋىق شارالار مەن باعدارلامالاردى تاراتپاۋ ۇسىنىلسىن؛

- قىرعىز رەسپۋبليكاسىنىڭ ۇكىمەتىنە جەرگىلىكتى ءوزىن-ءوزى باسقارۋ ورگاندارىمەن بىرلەسىپ قازا بولعانداردىڭ وتباسىلارى مەن زارداپ شەككەندەرگە كومەك كورسەتۋ بويىنشا ءتيىستى شارالار قولدانىلسىن»، - دەدى قىرعىزستان پرەزيدەنتى. قىرعىزستان ەلىنىڭ دەنساۋلىق ساقتاۋ مينيسترلىگىنىڭ سوڭعى مالىمەتى بويىنشا، قارۋلى قاقتىعىس سالدارىنان 31 ادام قازا تاۋىپ، 154 ادام زارداپ شەككەن.