گۇلزيرا ايداربەكوۆا: قايراتتىڭ ايەلىنە جىلىنا 1-2 رەت قاتتى سويلەپ قوياتىنىم بار
«مەنىڭ جۇلدىزىم وتباسىمىزعا كەلىن بولىپ وتە جاس كەلگەندىكتەن بە، كەلىن بولعان وسىلاي بولۋ كەرەك دەگەن كىرشىكسىز جۇرەگىمەن، ءاربىر ىسىنە تياناقتى ءمان بەرىپ، جۇرەگىمىزدەن تورىنەن ورىن الىپ تەز باۋىر باسىپ، قايىن ىنىلەرىنە تۋعان اپكەسىندەي بولىپ كەتتى. تىپتەن قىزىمىز جوق دەۋشى ەدىك، اللا ارمانىمىزدى ورىنداعانداي، ۇيگە كىرگەنىمىزدە جۇلدىز اتىنا لايىقتى جۇلدىزداي جارقىراپ ۇيىمىزگە نۇر توگىلگەندەي جۇرەگىمىزگە شۋاق شاشتى. ول، ول ما، نۇرەكەڭ ەكەۋىمىزدىڭ بىتپەيتىن اڭگىمەمىز، قۋانىشىمىز ەتىپ قوس- قوس ۇل مەن قىزداردى ومىرگە الىپ كەلىپ، ومىرگە دەگەن قۇلشىنىسىمىزدى ارتتىرا ءتۇستى. بۇگىندە مەنىڭ سىرلاسىما اينالدى. ال ونىڭ دايىنداعان ءدامىن جەگەن دە ارماندا، جەمەگەن دە ارماندا، نەمەرەلەرىمىزدىڭ تاربيەسى دە، بالامىز سىرتتا جۇرگەندىكتەن بارلىعىنا ءوزى ۇلكەن جاۋاپكەرشىلىكپەن قارايتىنى تاعى بار. بىرەۋىن سپورتقا، ال ءبىرىن مۋزىكاعا قوسىمشا ساباقتارعا الىپ بارىپ قۋانىشىن بولىسۋدەن شەكتەلگەن ەمەس. ءبىزدىڭ باتامىزبەن كەرەگەسى كەڭەيىپ، ۇل- قىزدارى باقىتقا جەتكىزسىن دەپ دۇعا تىلەۋمەن وتىرامىن.
ايداربەكوۆا كەلىنىن ماقتاي كەلە ونى شيراتۋ ءۇشىن قاتاڭدىق تانىتاتىن كەزدەرىن ايتتى.
«مەن ءوزىم جىلىنا 1-2 مارتە پىسىسىن دەپ قاتتى سويلەۋىم مۇمكىن، ءبىراق «ماما كەشىرىڭىزح دەگەن ءسوزىن ەستىپ جۇرەگىم ەزىلىپ ەشكىمگە كورسەتپەي جىلاپ تا الاتىن كەزدەرىم بولادى. بەتىڭنەن الماي، كىشىپەيىلدىككە تاربيەلەگەن اتا- اناسىنا مىڭ تاعزىم! قۇدا بولسا مەنىڭ قۇدا- قۇداعيىمداي قۇدالاردى سىزدەرگە دە ءناسىپ ەتسىن اللا! ءوز ابىسىندارىم دا كوبىنە «سەنىڭ قۇدالارىڭداي قۇدا، كەلىندەرىڭدەي كەلىن بۇيىرتسا ەكەنح دەگەن ارماندارىن جاسىرعان ەمەس. اللاعا شۇكىر ايگەرىم كەلىنىمىز دە شۋاعىن شاشىپ، كوز تيمەسىن دەپ ءتاۋبا ەتەتىندەي كەلىن بولدى. وعان دا شۇكىر! «كەلىننىڭ اياعىنانح دەيدى عوي قازاق اتا- بابالارىمىز. تەك كوز تيمەسىن.
راس، رۋى كىشى ءجۇز بولعاندىقتان بەتكە ايتىپ كەيدە جەك كورىنىپ قالاتىنى بار، ادامنىڭ سىرتىنان پىش- پىش وسەك ايتپايدى، ول مىنەزىن مەن جاقسى تۇسىنەمىن. سەبەبى: اناسىنا قاراعاندا ماعان كوبىرەك ۇقسايدى. نەگىزى مەن جۇلدىزدى كوزىنشە كوپ ماقتامايمىن، تەك سىرتىنان كۇيەۋىمە، بالاما ايتىپ وتىرامىن. ماقتاۋدى سىزدەرگە دە سىرتىنان ايتىپ ماقتانىپ وتىرعانىم عوي. ءاربىر مىقتى ازاماتتىڭ ءوسىپ- ءونۋىنىڭ سىرى انا مەن ايەلىنىڭ ارقاسىندا بولادى. قايراتتىڭ شالقىپ جۇرگەنى تەك مەنىڭ ەمەس، جۇلدىزىمنىڭ دا ەڭبەگى. مەنىڭ جۇلدىزىمداي كەلىن سىزدەرگە دە بۇيىرسىنشى!»، - دەپ جازدى ايداربەكوۆا پاراقشاسىندا.