وزبەكستان ارال تەڭىزىنىڭ ايماعىنداعى اۋدانداردى قولداۋعا 1,2 ميلليارد بولەدى
بۇگىن وزبەكستان پرەزيدەنتى شاۆكات ميرزيەيەۆ قاۋلىنى جاريالادى.
قۇجاتقا سايكەس، قارجىنىڭ كوپ بولىگى 100 مىڭ جاڭا جۇمىس ورنىن قۇرۋعا جانە ءوڭىردىڭ ينۆەستيتسيالىق مۇمكىندىگىن ارتتىرۋعا جۇمسالادى. سونىمەن قاتار، ينفراقۇرىلىمدى جاقسارتۋعا جانە شولمەن كۇرەسۋگە، سۋ رەسۋرستارىن باسقارۋعا بولىنەدى.
باعدارلامانى قارجىلاندىرۋ ءۇشىن وزبەكستان قارجى مينيسترلىگىنە قاراستى ارال ماڭىنداعى وڭىرلەردى دامىتۋ قورى قۇرىلادى. 1 - اقپاننان باستاپ ارال ماڭىنداعى كومەككە مۇقتاج تۇرعىندارعا - جالعىزباستى ازاماتتارعا، زەينەتكەرلەرگە، مۇگەدەك- وتاعاسى بار وتباسىلارعا جانە باسقا دا از قامتىلعان وتباسىلارعا ەكىدەن بەس ەسەگە دەيىنگى ەڭ تومەنگى جالاقى مولشەرىندە الەۋمەتتىك جاردەماقى تولەنەدى.
سونىمەن قاتار، 2017 -جىلدىڭ 1- اقپانىنان باستاپ قاراقالپاقستان رەسپۋبليكاسى مەن حورەزم وبلىستارىنىڭ تۇرعىندارى ءۇشىن تەمىرجول جانە اۋە كومپانيالارىنىڭ جولاۋشىلار بيلەتتەرىنە ارنايى جەڭىلدىك تاريفتەرىنىڭ قاراستىرىلاتىنى تۋرالى ەرەجە دايىندالۋدا.
