اقشالاي قاراجاتتى جاريا ەتۋ اكسياسى بارىسىندا 1,2 تريلليون تەڭگە زاڭداستىرىلدى

استانا. قازاقپارات - قازاقستاندىقتار جاريا ەتۋ ماقساتى ءۇشىن بانكتەردە ارنايى شوتتاردى بەلسەندى تۇردە اشۋدا قازاقستاندىقتار 2014 -جىلعى 1 -قىركۇيەك - 2016 -جىلعى 18 -شىلدە ارالىعىنداعى اقشالاي قاراجاتتى جاريا ەتۋ جونىندەگى ناۋقان كەزەڭىندە 2145 بانك شوتىن اشتى، ولارعا 1 تريلليون 205 ميلليارد تەڭگەدەن استام سالىندى، دەپ حابارلايدى ق ر ۇلتتىق بانكىنىڭ باسپا ءسوز قىزمەتى.

سالىستىرۋ ءۇشىن مۇلىكتى جاريا ەتۋ ناۋقانى باستالعاننان راقىمشىلىق تۋرالى زاڭعا وزگەرىستەر ەنگىزىلگەنگە دەيىن (2015 -جىلعى 29 -قاراشاعا دەيىن) جاريا ەتۋ سۋبەكتىلەرى 181 شوت اشتى، كورسەتىلگەن كەزەڭدە شامامەن 84 ميلليارد تەڭگە ەنگىزىلدى. مۇلىكتى جاريا ەتۋ تالاپتارىن جەڭىلدەتۋگە باعىتتالعان تۇزەتۋلەر قولدانىسقا ەنگىزىلگەننەن كەيىن 1 تريلليون 121 ميلليارد تەڭگە نەمەسە بارلىق اقشانىڭ %93 ى جاريا ەتىلدى، دەپ اتاپ وتەدى قارجى رەتتەۋشىسىنىڭ باسپا ءسوز قىزمەتى.

ۇلتتىق بانكتىڭ دەرەكتەرى بويىنشا بۇرىنعىشا الماتى قالاسى (1 تريلليون 23 ميلليارد تەڭگە سوماعا 1 109 شوت) جانە استانا قالاسى (87,6 ميلليارد تەڭگە سوماعا 228 شوت) كوش باستاپ كەلەدى، ولارعا رەسپۋبليكا بويىنشا جاريا ەتىلگەن جالپى سومانىڭ %92 ى تيەسىلى.