استانا قالاسى كوشى- قون پوليتسياسىنىڭ ءبولىم باسشىسىنا 1,2 ميلليون تەڭگە ايىپپۇل سالىندى

استانا. قازاقپارات - بيىل 29 - شىلدەدە استانا قالاسى بويىنشا سىبايلاس جەمقورلىققا قارسى كۇرەس قىزمەتى دەپارتامەنتىنىڭ قىزمەتكەرلەرى ەلوردا اۋماعىندا شەتەل ازاماتتارىن ۋاقىتشا تىركەگەنى ءۇشىن بىرنەشە رەت پارا العان استانا قالاسى ءى ءى د كوشى- قون پوليتسيا باسقارماسىنىڭ ءبولىم باستىعى ە. ەسىمدى ازاماتتىڭ قىلمىسىن اشكەرەلەدى.

30.09.2015  جىلى استانا قالاسىنىڭ پروكۋراتۋراسى ق ر ق ك 366- بابىنىڭ 2- بولىمىمەن، 366-بابى 3- ءبولىمىنىڭ 4- تارماعىمەن كوزدەلگەن قىلمىستاردى جاساعانى ءۇشىن، ياعني لاۋازىمدى تۇلعانىڭ جەكە وزىنە اقشا تۇرىندە پارا الۋى تۋرالى (بۇل ءىس بىرنەشە رەت جاسالعان زاڭسىز ارەكەتكە (ارەكەتسىزدىككە) پارا- پار) ە. ەسىمدى ازاماتتى ايىپتاۋ بويىنشا قىلمىستىق ءىستى ءمانى بويىنشا قاراۋ ءۇشىن استانا قالاسىنىڭ سارى ارقا اۋداندىق №2 سوتىنا جولدادى.

سارى ارقا اۋداندىق №2 سوتىنىڭ 16.11.2015 جىلعى ۇكىمىمەن ە. ەسىمدى ازامات ق ر ق ك 366-بابى 3- ءبولىمىنىڭ 4-تارماعىمەن كوزدەلگەن قىلمىستى جاساعانى ءۇشىن ايىپتى دەپ تانىلدى جانە مۇلكى تاركىلەنىپ، بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرىلا وتىرىپ، وعان پارانىڭ جەتپىس ەسەلەنگەن سوماسى مولشەرىندە(1260000 تەڭگە) ايىپپۇل سالۋ تۇرىندە جازا تاعايىندالدى، دەپ حابارلادى ەلوردا پروكۋراتۋراسىنىڭ باسپا ءسوز قىزمەتى.