پارسى شىعاناعى ەلدەرى مۇناي باعاسىنىڭ قۇلدىراۋىنان 1 جىل ىشىندە 275 ميلليارد دوللار جوعالتتى
The Economic Times باسىلىمىنىڭ حابارلاۋىنشا، ول بۇل تۋرالى كاتاردا وتكەن پارسى شىعاناعى اراب مەملەكەتتەرى ىنتىماقتاستىعىنىڭ كەڭەسىندە مالىمدەمە جاسادى، دەپ حابارلادى Lenta.ru.
لاگارد سونداي- اق قوردىڭ بولجامدارى بويىنشا، بۇل ەلدەردە ىشكى جالپى ءونىم ءوسىمى بيىلعى جىلى 3,2 پايىزعا دەيىن باياۋلايدى، ال كەلەسى جىلى 2,7 پايىزعا دەيىن قۇلدىرايدى، دەپ اتاپ ءوتتى.
«ءبىز مۇناي باعاسى بۇگىنگى دەڭگەيدە بىرنەشە جىل بويى ساقتالادى دەپ پايىمدايمىز، وسىعان بايلانىستى پارسى شىعاناعى ەلدەرى وزدەرىنىڭ بيۋدجەتتەرىنە تۇزەتۋ ەنگىزۋى ءتيىس»، - دەپ مالىمدەدى ح ۆ ق باسشىسى.
پارسى شىعاناعى ەلدەرىنە الەمدىك مۇناي نارىعىنىڭ ءىرى ويىنشىلارى: باحرەين، كۋۆەيت، ومان، ساۋد اراۆياسى، كاتار جانە بىرىككەن اراب امىرلىكتەرى كىرەدى.
ح ۆ ق قازان ايىنىڭ سوڭىندا تاياۋداعى بەس جىلدا ساۋد ارابياسى بيۋدجەت جەتكىلىكسىزدىگىنىڭ شاپشاڭ وسۋىنە تاپ بولاتىنىن بولجامدادى. تالداماشىلاردىڭ پىكىرىنشە، بۇل ەلدىڭ مۇنايدىڭ باررەلى 108 دوللار بولعاندا تەڭدەستىرىلگەن بيۋدجەتى بولماق، ال مۇناي قۇنى 50 دوللار بولعان كەزدە كورولدىك قازىناسى بەس جىل عانا ۇستاپ تۇرا الادى. قوردىڭ بولجامى ومان مەن باحرەينگە دە قاتىستى.
تالداماشىلاردىڭ پىكىرىنشە، كۋۆەيت، كاتار جانە بىرىككەن اراب امىرلىكتەرى ارزان مۇناي ۋاقىتىن ويداعىداي وتكىزە الادى. كۋۆەيتكە مۇنايدىڭ باررەلى 49 دوللار، كاتارعا - 55 دوللار، ب ا ءا- گە -73 دوللار بولسا جەتىپ جاتىر.
