09:41, 14 - ماۋسىم 2023 | GMT +6
اقمولا وبلىسىندا 1 ميلليون 250 مىڭ تەڭگە ايىپپۇلى بار كولىكتىڭ يەسى ۇستالدى
استانا. قازاقپارات - اقمولا پوليتسەيلەرى جىلدامدىق رەجيمىن 137 رەت بۇزعان جۇرگىزۋشىنى ۇستادى.
جۇرگىزۋشىگە سالىنعان ايىپپۇلدار سوماسى 1 ميلليون تەڭگەدەن استى، - دەپ حابارلايدى polisia.kz.
Toyota Camry رەسەيدە ەسەپتە تۇر، يەسى كوكشەتاۋدىڭ 43 جاستاعى تۇرعىنى بولىپ شىقتى. ەر ادامنىڭ جىلدامدىقتى 137 رەت اسىرعانىن انىقتادى. وعان سالىنعان ايىپپۇل كولەمى - 1 ميلليون 250 مىڭ تەڭگە.
پاترۋلدىك پوليتسيا باتالونىنىڭ قىزمەتكەرلەرى تۇرعىننىڭ كولىگىن ارنايى تۇراققا قويدى.