الماتىدا قازا تاپقان پوليتسيا سەرجانتى جالعاس كەلدىبايەۆ 1-قىركۇيەكتە 24 جاسقا تولار ەدى - فوتو
الماتى قالالىق ءى ءى د- ءنىڭ جول- پاترۋلدىك پوليتسيا پولكىنىڭ پوليسەيى، پوليسيا سەرجانتى جالعاس كەلدىبايەۆ الماتى قالاسى، المالى اۋداندىق ءى ءى ب شابۋىل جاساعان تەرروريستى ۇستاۋ كەزىندە جارالانعان. الماتى قالاسى 12-اۋرۋحانادا جانساقتاۋ ءبولىمىنىڭ دارىگەرلەرى جالعاس كەلدىبايەۆتى امان الىپ قالۋ ءۇشىن ەڭبەك ەتتى.
جالعاس كەلدىبايەۆتى اقتىق ساپارعا شىعارىپ سالۋ ءۇشىن تۋىستارى مەن جاقىندارى، قىزمەتتەستەرى، كورشىلەرى مەن دوستارى، اۋىلداستارى جانە جامبىل وبلىسى جەتەكشىلىگىنىڭ، جامبىل جانە الماتى وبلىسى ءى ءى د وكىلدەرى كەلدى.
جامبىل وبلىسى اكىمىنىڭ ورىنباسارى ەرقانات ءمانجۋوۆ ناعىز باتىردى تاربيەلەپ وسىرگەن مارقۇمنىڭ وتباسىنا كوڭىل ايتتى. الماتى قالاسى ءى ءى د- ءنىڭ باسشىسى، گەنەرال- مايور سەرىك كۇدەبايەۆ قۇقىق قورعاۋ ورگاندارىنداعى قيىن ءارى قاۋىپتى قىزمەت جايلى، وتانداستاردىڭ بەيبىت ءومىرى مەن قوعامدىق قاۋىپسىزدىكتى كۇزەتۋدەگى قازاقستان پوليتسياسىنىڭ جوعارى جاۋاپكەرشىلىگى تۋرالى ايتتى. ق ر ىشكى ىستەر ءمينيسترى قالمۇحانبەت قاسىموۆتىڭ پوليسەي وتباسىنا كوڭىل بىلدىرگەن حاتى وقىلدى.
قوردايلىق جۋرناليست قۇرمانبەك ءالىمجاننىڭ ايتۋىنشا، جالعاس كەلدىبەكوۆ وتار اۋىلىنىڭ تۋماسى. ول قاراپايىم وتباسىندا، تەمىرجولشى امانباي كەلدىبايەۆتىڭ جانۇياسىندا وسكەن.
«ءبىرىنشى قىركۇيەك كۇنى جالعاس 24 جاسقا تولار ەدى»، - دەدى ق. ءالىمجان.
ايتا كەتەيىك، 27 جاستاعى رۋسلان كۇلەكبايەۆ 2016 - جىلعى 18 - شىلدەدە الماتى قالاسىنىڭ اۋداندىق ءى ءى ب بىرىنە جانە ۇ ق ك د عيماراتىنا شابۋىل جاسادى. سالدارىنان بەس ادام - ءۇش پوليتسەي، شەكاراشى جانە زەينەتكەر قازا تاۋىپ، سەگىز ادام جاراقات العان. كەيىننەن اۋرۋحانادا اۋىر جارالانعان ءۇش پوليتسەي كوز جۇمدى.
