قازاقستاندا 1- ماۋسىمنان بەرى ارمەنيادان اكەلىنگەن 2000 كولىك تىركەلگەن
«ىشكى ىستەر مينيسترلىگى وسى جىلدىڭ 1- ماۋسىمىنان باستاپ ءبىزدىڭ ازاماتتارىمىزدىڭ ارمەنيادان اكەلگەن كولىك قۇرالدارىن تىركەۋ بويىنشا جۇمىستاردى جۇرگىزۋدە. العاشقى ەكى اپتادا 2 مىڭنان استام اۆتوكولىك تىركەلدى. تىركەۋ باسىم كوپشىلىگى - ەلدىڭ باتىس ايماقتارىندا. رەسپۋبليكاداعى بارلىق تىركەۋدىڭ جارتىسىنان كوبى اقتوبە، اتىراۋ، ب ق و جانە ماڭعىستاۋ وبلىستارىنىڭ ۇلەسىنە كەلەدى»، - دەدى ق ر ىشكى ىستەر مينيسترلىگى اكىمشىلىك پوليتسيا كوميتەتى ءتوراعاسىنىڭ ورىنباسارى سەرىك ءتۇسىپوۆ و ك ق- دا «ق ر ازاماتتارى ارمەنيادان اكەلگەن اۆتوموبيلدەردى تىركەۋ تۋرالى» تاقىرىبىندا وتكەن باسپا ءسوز ءماسليحاتىندا.
ءى ءى م وكىلىنىڭ ايتۋىنا قاراعاندا ارمەنيادان اكەلىنگەن كولىكتەردى تىركەۋ ءراسىمى وتە قاراپايىم ءارى ول ازاماتتاردان كوپ ۋاقىتتى تالاپ ەتپەيدى.
«تىركەۋ شارتتارى مەن كولىكتەرگە قويىلاتىن تالاپتارعا كەلەر بولساق، ولار بارىنشا وڭاي جاسالعان. ناقتى تالاپتارعا توقتالساق، تىركەۋگە - ارمەنيانىڭ جاۋاپتى ورگاندارىندا قازاقستان ازاماتتارىنىڭ اتىنا 2020-جىلدىڭ 1- اقپانىنا دەيىن جازىلعان كولىكتەر جاتادى. كولىك تەك ساتىپ العان سول كولىكتىڭ يەسىنىڭ اتىنا عانا تىركەلەدى. سەنىمحات نەمەسە ساقتاندىرۋ ءپوليسى ارقىلى ءمىنىپ جۇرگەن ادامداردىڭ اتىنا كولىك تىركەلمەيدى. سەبەبى ولار زاڭ جۇزىندە اۆتوكولىكتەردىڭ يەسى ەمەس. دەسە دە، ساقتاندىرۋ پوليسى ارقىلى مۇنداي ساناتتاعى كولىكتى باسقا بىرەۋدىڭ باسقارۋىنا بەرۋگە بولادى»، - دەدى سەرىك ءتۇسىپوۆ.
جيىن بارىسىندا سەرىك ءتۇسىپوۆ قازاقستاندا ءرۋلى وڭ جاقتا ورنالاسقان كولىكتەرگە نەلىكتەن تىيىم سالىنعانىن ءتۇسىندىرىپ بەردى.
ارمەنيادان اكەلىنگەن كولىكتى سەنىمحاتپەن جۇرگىزگەن ازاماتتىڭ اتىنا نەلىكتەن تىركەۋگە بولمايتىنىن ايتتى.
ودان بولەك ول «قىرعىزستاننان اكەلىنگەن كولىكتەردى زاڭداستىرۋعا بولا ما؟» دەگەن سۇراققا جاۋاپ بەردى.
