قىتايدىڭ تايپەي قالاسىنان قازاقستان قۇراما كومانداسى 1 التىن، 2 كۇمىس، 13 قولا ەنشىلەدى - فوتو

قىزىلوردا. قازاقپارات - قىتايدىڭ تايپەي قالاسىندا تاەكۆوندودان جاسوسپىرىمدەر اراسىندا وتكەن ازيا چەمپيوناتىندا قىزىلوردالىق سپورتشىلار 1 كۇمىس، 3 قولا مەدال يەلەندى.

بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتى حابارلادى.

جەكەلەي سىندا قىزدار اراسىندا ونەر كورسەتكەن 2№ وبلىستىق وليمپيادالىق رەزەرۆتىڭ مامانداندىرىلعان بالالار مەن جاسوسپىرىمدەر مەكتەبىنىڭ سپورتشىسى جىبەك كوپەن 59+ كەلى سالماق دارەجەسىندە كۇمىس جۇلدەگە يە بولدى. 41 كەلى سالماقتا 10№  شيەلى اۋدانىنىڭ بالالار مەن جاسوسپىرىمدەر سپورت مەكتەبىنەن گۇلبالا ابىزبايەۆا، 44 كەلىدە ج. ءباھادۇر اتىنداعى وبلىستىق سپورتتا دارىندى بالالارعا ارنالعان مەكتەپ-ينتەرناتتان بوتاگوز قاپانوۆا جانە 51 كەلىدە ايىم توعمان (253№ ورتا مەكتەپ) چەمپيوناتتىڭ قولا جۇلدەسىن ولجالادى.

جارىسقا 24 مەملەكەتتەن 200 دەن اسا 2001-2003-جىلدارى تۋىلعان ۇلدار مەن قىزدار قاتىستى. قازاقستان قۇراما كومانداسى 1 التىن، 2 كۇمىس، 13 قولا مەدال الىپ، جالپى كوماندالىق ەسەپتە ۇلدار مەن قىزدار كومانداسى ءۇشىنشى ورىندى ەنشىلەدى.