09:44, 01 - تامىز 2022 | GMT +5
گيتلەردىڭ قولساعاتتارى اۋكسيوندا 1,1 ميلليون دوللارعا ساتىلدى
ا ق ش. قازاقپارات - فاشيستىك گەرمانيا باسشىسى بولعان ادولف گيتلەرگە تيەسىلى دەلىنگەن قول ساعاتتار ا ق ش- تىڭ مەريلەند شتاتىنداعى اۋكسيوندا 1,1 ميلليون دوللارعا ساتىلدى، دەپ حابارلايدى قازاقپارات ءتىلشىسى.
ساعاتتاردى كىمنىڭ ساتىپ العانى بەلگىسىز. ويتكەنى، ساتىپ الۋشى ادام اۋكسيونعا انونيمدى تۇردە قاتىسقان. گيتلەرگە تيەسىلى بولعان «Huber» فيرماسىنىڭ ساعاتتارىندا سۆاستيكا بەينەلەنگەن جانە AН ينيتسيالى ويىپ جازىلعان. اۋكسيون كاتالوگىندا ساعاتتار ادولف گيتلەرگە 1933 -جىلى ول فاشيستىك گەرمانيا كوشباسى بولعان ۋاقىتتا تۋعان كۇنىنە سىيلىق رەتىندە بەرىلگەنى جازىلعان. سونداي- اق، اتالعان اۋكسيونعا گيتلەردىڭ جۇبايى ەۆا براۋنعا تيەسىلى كويلەك تە قويىلعان.
قوسا كەتسەك، بىرنەشە كۇن بۇرىن كونە دينوزاۆردىڭ سۇيەگى اۋكسيوندا 6 ميلليون دوللارعا ساتىلعانىن جازىپ ەدىك.
اۆتور ءاليحان اسقار
