وزبەكستاندا 1,1 ميلليوننان استام ادام ۆاكسينانىڭ ءبىرىنشى كومپونەنتىن الدى
تاشكەنت. قازاقپارات - وزبەكستاندا ەكپە كامپانياسىنىڭ باسىنان COVID-19-عا قارسى ۆاكتسينانىڭ 1,5 ميلليوننان استام دوزاسى پايدالانىلدى، دەپ حابارلايدى قازاقپاراتتىڭ مەنشىكتى ءتىلشىسى وزبەكستان رەسپۋبليكاسىنىڭ دەنساۋلىق ساقتاۋ مينيسترلىگىنە سىلتەمە جاساپ.
ۆەدومستۆونىڭ دەرەگىنشە، بۇگىنگى كۇنى ەلدە ۆاكسينانىڭ 1512421 دوزاسى پايدالانىلعان.
1151313 وزبەكستاندىق ءبىرىنشى دوزانى السا، ەكىنشى دوزانى العاندار سانى - 358108.
وڭىرلەر اراسىندا بۇرىنعىشا فەرعانا وبلىسى كوش باستاپ تۇر، وندا 204065 ادام ەكپە العان. ودان كەيىن رەيتينگتە ءاندىجان وبلىسى.
وندا 189110 ادام ەكپە العان. نامانگان وبلىسى - 168835 جانە سامارقان وبلىسى - 149560 ەكپە العاندار.
ەسكە سالا كەتەيىك، وزبەكستاندا ەكپە كامپانياسى 1 - ساۋىردەن باستالدى. تۇرعىنداردى ۆاكسينالاۋ اۋقىمى بىرتە-بىرتە كوبەيۋدە: ساۋىردە ءىرى قالالار تۇرعىندارى ەكپە السا، مامىردا اۋدان ورتالىقتارى مەن كىشى قالالار تۇرعىندارىن ۆاكسينالاۋ جالعاسۋدا.
ماۋسىمدا اۋىلدىق جەرلەر تۇرعىندارىنا ەكپە سالۋ جوسپارلانىپ وتىر. ۆاكسينالاۋ ءۇش پرەپاراتپەن جۇزە اسادى: ەۋروپالىق AstraZeneca ۆاكسيناسى، قىتاي-وزبەك ZF- UZ- VAC2001 ۆاكسيناسى جانە رەسەيلىك «سپۋتنيك- V» .
بار بولعانى ءۇش ايدىڭ ىشىندە ەلدە 4 ميلليون ادامدى ۆاكسينالاۋ كوزدەلىپ وتىر.
