قازاقستاننىڭ التىن ۆاليۋتا اكتيۆى 1,1 ميلليارد دوللارعا ازايدى

الماتى. قازاقپارات - ق ر ۇلتتىق بانكى ءتوراعاسىنىڭ ورىنباسارى ءاليا مولدابەكوۆا سىرتقى نارىقتاعى جاعدايدىڭ التىن ۆاليۋتا اكتيۆىنە قالاي اسەر ەتكەنىن ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، الدىن الا باعالاۋعا سايكەس، قاراشادا التىن ۆاليۋتا اكتيۆتەرى $33,6 ميلليارد دوللاردان $32,5 ميلليارد دوللارعا دەيىن $1,1 ميلليارد دوللارعا تومەندەدى.

«رەزەرۆتەر قىسقارۋىنىڭ نەگىزگى سەبەبى سوڭعى 4 جىلدا التىن باعاسىنىڭ ءبىر ۋنتسيا ءۇشىن $1876 دوللاردان $1772 دوللارعا دەيىن نەمەسە %5,5 عا رەكوردتىق قۇلدىراۋى بولدى. ۆاكتسينالاردى ازىرلەۋدەگى جەتىستىكتەر، سونداي- اق بۇكىل الەمدەگى ىسكەرلىك بەلسەندىلىكتىڭ قالپىنا كەلۋى قورعانىش اكتيۆ رەتىندە التىنعا سۇرانىستىڭ قۇلدىراۋىنا اكەلدى. ا ۆ ر قۇرامىنداعى التىن پورتفەلى قاراشادا $1,2 ميلليارد دوللارعا تومەندەدى»، - دەيدى ول.

دەگەنمەن، جەلتوقساندا التىننىڭ باعاسى قالپىنا كەلە باستاپ، بۇگىنگى كۇنى ءبىر ۋنتسيا ءۇشىن $1870 دوللار دەڭگەيىنە جەتتى. ءوسۋ سەبەپتەرىنىڭ ءبىرى - ا ق ش- تاعى فيسكالدىق ىنتالاندىرۋدىڭ جاڭا توپتاماسىنىڭ قارساڭىندا دوللار باعامىنىڭ السىرەۋى بولدى. رەزەرۆتىڭ ۆاليۋتالىق بولىگى ەكىنشى دەڭگەيلى بانكتەردىڭ كوررەسپوندەنتتىك شوتتارىنىڭ ءوسۋى ەسەبىنەن $100 ميلليون دوللارعا كوبەيدى.