يەلىگىندە 1,1 تريلليون دوللاردان اسا قاراجاتى بار الەمدەگى ەڭ باي وتباسىلار

 استانا. قازاقپارات -  Walmart سۋپەرماركەت جەلىسىنىڭ نەگىزىن قالاۋشى سەم ۋولتوننىڭ ۇرپاقتارىنىڭ كاپياتىلىندا 151,5 ميلليارد دوللارى بار.

 ول ءبىر وتباسى ءۇشىن ەڭ ۇلكەن سوما بولىپ تابىلادى. ءبىزدىڭ زاماننىڭ ەڭ باي 25 وتباسىنىڭ جيىنتىق اكتيۆتەرى 1,1 تريلليون دوللاردى قۇرايدى.

بۇل ورايدا Bloomberg باسىلىمى بايلىعى 1,1 تريلليون دوللاردان اساتىن الەمدەگى ەڭ باي 25 وتباسىنىڭ ءتىزىمىن جاسادى، دەپ حابارلايدى Stan.kz اقپاراتتىق اگەنتتىگى.

ۋولتوندار وتباسىنىڭ جاعدايى جىل باسىندا بولعان قۇلدىراۋدان كەيىن، ءتىپتى كومپانيانىڭ ۇلەسى ءبىر كۇننىڭ ىشىندە 14 پايىزعا تومەندەسە دە وزگەرمەدى. وتباسىنىڭ جاعدايى 18 ميلليارد دوللارعا ازايدى.

سونداي- اق، الەمدەگى ەڭ باي وتباسىلار تىزىمىندە ەكىنشى بولىپ «Koç Industies» مۇناي- حيميا كورپوراتسياسىنىڭ نەگىزىن قالاۋشى جانە بىرلەسكەن يەلەرى اعايىندى دەۆيد جانە چارلز كوچي تۇر. ولاردىڭ كاپيتالى 98,7 ميلليارد دوللاردى قۇرايدى. ماۋسىم ايىنىڭ باسىندا 78 جاستاعى دەۆيد كوح دەنساۋلىعىنا بايلانىستى كومپانيانىڭ ديرەكتورلار كەڭەسى تاراپىنان دەمالىسقا كەتەتىندىگىن حابارلادى.

ال، ءۇشىنشى ورىندا Mars شوكولادتار مەن باسقا دا ونىمدەردى شىعاراتىن كومپانيانىڭ نەگىزىن قالاۋشى فرەنك مارستىڭ ۇرپاقتارى تۇر. ولاردىڭ جاعدايى 89,7 ميلليارد دوللارعا باعالانعان.

 سونداي- اق، ۇزدىك وندىققا Anheuser- Busch InBev سىرا جاساۋ كومپانياسىنىڭ يەلەرى، Hermes ءسان برەندىنىڭ نەگىزىن قالاۋشىلاردىڭ مۇراگەرى تەرري ەرمە، Chanel برەندىنىڭ قوجايىندارى اعايىندى الەن مەن دجەرارد ۆەرتحايمەر، Reliance Industries ونەركاسىپتىك توبىنىڭ يەلەرى، BMW ماركاسى تيەسىلى كۆانتتار وتباسى، Cargill Inc كورپوراتسياسىنىڭ جانە Boehringer Ingelheim نەمىس فارماتسيەۆتيكالىق كومپانياسىنىڭ يەلەرى كىرەدى.