الماتىدا 1 ساعات ىشىندە سەل باسقان اۋدان تۇرعىندارىنا كومەك رەتىندە 1 ميلليون تەڭگە جينالدى
«الماتى قالالىق كاسىپكەرلەر پالاتاسى سەل باسقان ءوڭىر تۇرعىندارىنا قولداۋ ءبىلدىرۋ ماقساتىندا قارجىلاي كومەك جيناۋعا كىرىستى. ءبىر ساعات ىشىندە 1 ميلليون تەڭگە قارجى جينالدى. مۇنىمەن قاتار، الماتى قالالىق كاسىپكەرلەر پالاتاسى قىزمەتكەرلەرى ءبىر كۇندىك جالاقى كولەمىندە كومەك بەرمەك»، دەلىنگەن حابارلامادا.
ەسكە سالا كەتەيىك، بۇگىن 23- شىلدە كۇنى تۇنگى ساعات 03:00 شاماسىندا تولاسسىز جاۋعان جاڭبىردان تاسقىن سۋ قارعالى وزەنىنە قۇيىپ، ودان اسقان سۋ الماتى قالاسىنىڭ ءۇش اۋدانىن ءىشىنارا باسىپ قالدى. سونىڭ ىشىندە، ناۋرىزباي اۋدانى سەل تاسقىنىنان كوبىرەك جاپا شەگىپ وتىر.
«قاز سەلدەن قورعاۋ» ماماندارىنىڭ ايتۋىنشا، الماتى جۇرتشىلىعى ءۇشىن دۇرلىگۋگە ەش نەگىز جوق. سەلدەن قورعاۋ نىساندارى بەرىك، ولارعا ەشقانداي دا سىزات ءتۇسىپ، زاقىم كەلمەگەن. دەگەنمەن، ماماندار قارعالى وزەنىندەگى ارتىق سۋدى بىرتىندەپ اۋدارۋ جۇمىستارىن جۇرگىزۋدە. اتاپ ايتقاندا، قارعالى وزەنى بويىمەن ارتىق سۋلار شليۋزدەر ارقىلى تومەن قاراي اۋدارىلىپ جاتىر. سەلدىڭ سالدارىن جويۋ جۇمىستارى جالعاسۋدا.
«قارعالى وزەنى بوگەتى ماڭىنان 898 جەرگىلىكتى تۇرعىندار قاۋىپسىز ايماققا كوشىرىلدى. ورىن العان جاعدايدى ءجىتى باقىلاۋ ءۇشىن اۋەدەن باقىلاۋ جالعاسۋدا. قالپىنا كەلتىرۋ، تازارتۋ جۇمىستارى دا جۇزەگە اسىپ جاتىر. بۇدان بولەك، سۋ باسقان كوشەلەر، اۋلالار مەن قالانىڭ شاعىن اۋداندارىنداعى توتەنشە وقيعانىڭ كەلتىرگەن شىعىندارىن باعالاۋ جۇمىسى جالعاسادى»، - دەدى ت ج ك وكىلى.
ايتا كەتەرلىگى، «قاز سەلدەن قورعاۋ» مەكەمەسىنىڭ مالىمەتىنە قاراعاندا، بوگەننىڭ تۇتاستىعىنا ەش سىزات تۇسكەن جوق، ارتىق سۋ شليۋزدەر ارقىلى اۋدارىلىپ جاتىر.
