اتىراۋدا 1 جاستاعى 1970 بالا بالاباقشاعا بارىپ ءجۇر

ال، قىزىلقوعا اۋدانىنداعى «نۇرشۋاق» بوبەكجاي- بالاباقشاسىنىڭ مەڭگەرۋشىسى باقىتجامال جۇمابايەۆانىڭ ايتۋىنشا، 1 جاستاعى بالالار 2014 -جىلدان بەرى قابىلدانادى. قازىر مۇندا 80 ادام جۇمىس ىستەيدى. ونىڭ ىشىندە 36 پەداگوگ بار. ولار 250 بالاعا مەكتەپكە دەيىنگى تاربيە بەرەدى. ال، كەزەكشى توپقا 130 ءبۇلدىرشىن كەلىپ ءجۇر.

«ءبىزدىڭ بالاباقشانىڭ ەرەكشەلىگى - بالالاردىڭ وي- ءورىسىن ەرتە جاستان دامىتۋ. ءبىر جاستان باستاپ قابىلدانعان بوبەكتەر ءتورت توپتا تاربيەلەنەدى. ولارعا تاجىريبەلى ماماندار ءتالىم بەرۋدە. پسيحولوگ، بي ۇيرەتەتىن جەتەكشىسى بار»، - دەيدى باقىتجامال جۇمابايەۆا.

ەرتە جاس توبىنىڭ تاربيەشىسى گۇلجازيرا كەنجەباي قىزىنىڭ پىكىرىنشە، 1 جاستاعى بالالارعا نەگىزىنەن اشىق وقۋ ساباعى وتكىزىلەدى.

«ماقساتىمىز - بوبەكتىڭ تىڭداۋ، سويلەۋ قابىلەتىن جەتىلدىرۋ. ەرتەگىلەر، ساۋساق ويىنى ارقىلى دا قىزىقتى اڭگىمەلەر ايتىلىپ، تاقپاقتار جاتتايدى. «كىم شاپشاڭ؟»، «كىم تاپقىر؟» سىندى توپتىق ويىندار وتكىزىلەدى. ءار توپتا ون بالدىرعان بار»، - دەيدى ول.

ەسكە سالا كەتەلىك، بۇدان بۇرىن 13 مىڭ اتىراۋلىق بالدىرعان بالاباقشاداعى كەزەكشى توپقا باراتىنىن حابارلاعان ەدىك.

اۆتور: بەك مۇستافا