11:29, 15 - ماۋسىم 2020 | GMT +5
تۇركياداعى جەر سىلكىنىسى: 1 ادام كوز جۇمىپ، 18 ءى جاراقات الدى
انكارا. قازاقپارات - تۇركياداعى جەر سىلكىنىسىنىڭ سالدارىنان ءبىر ادام كوز جۇمىپ، تاعى 18 ادام جاراقاتتانعان.
بۇل تۋرالى قازاقپارات انادولىعا سىلتەمە جاساپ حابارلايدى.
بينگول پروۆينتسياسىنىڭ گۋبەرناتورى كاديرا ەكيندجيدىڭ مالىمدەۋىنشە، جەر سىلكىنىسىنەن ءبىر ادام كوز جۇمىپ، تاعى 18 ادام جاراقات العان.
ەسكە سالساق، تۇركيانىڭ شىعىسىندا ماگنيتۋداسى 5,7 جەر سىلكىنىسى تىركەلدى. ءزىلزالا وشاعى كارلىوۆا اۋدانىنىڭ اۋماعىندا تىركەلدى. ءدۇمپۋ جاقىن ماڭداعى اۋدانداردا سەزىلدى.
