قازاق ءتىلىن كەمبريدج ادىستەمەسى نەگىزىندە 1-11 -سىنىپتارعا وقىتۋ باعدارلامالارى جاسالدى - مينيستر
بۇل تۋرالى 18-21 -قاراشادا وتكىزىلگەن ۇكىمەتتىڭ «مينيسترگە سۇراق قوي» اتتى ونلاين- كونفەرەنسيالار سەرياسىندا ق ر ءبىلىم جانە عىلىم ءمينيسترى اسلان ءسارىنجىپوۆ ءمالىم ەتتى.
«كەمبريدج ادىستەمەسى بويىنشا، جالپى ءبىلىم بەرۋ مەكتەپتەرىنىڭ 1-11 -سىنىپتارىنا ارنالعان قازاق ءتىلىن وقىتۋدىڭ دەڭگەيلىك ءبىلىم بەرۋ باعدارلامالارى جاساقتالدى، - دەپ اتاپ ءوتتى مينيستر. - بيىل جاڭا وقۋلىقتار مەن وقۋ- ادىستەمەلىك قۇرالدار كەشەنى سىناقتان وتۋدە. 2017 -جىلدىڭ قىركۇيەگىنەن باستاپ، ەلدەگى مەكتەپتەردە قازاق ءتىلىن دەڭگەيلىك وقىتۋ ەنگىزىلەدى».
سونىمەن قاتار، مينيستر ەلدەگى اعىلشىن ءتىلىنىڭ وقىتىلۋ دەڭگەيىنە توقتالدى.
ونىڭ ءسوزى بويىنشا، مەكتەپتەردە اعىلشىن ءتىلىن وقىتۋ ءالى دە قاناعاتتانارلىق دەڭگەيدە ەمەس.
«اعىلشىن ءتىلى بريتان باسپاسىنان شىققان وقۋلىقتارمەن وقىتىلۋدا. اعىلشىن ءتىلىنىڭ اپتاسىنا تەك ەكى ساعات قانا وتكىزىلۋىنەن ءبىلىم ساپاسى تومەن قالىپ وتىر»، - دەدى ا. ءسارىنجىپوۆ.
