قازاقستان 1 كۇمىس، 1 قولامەن وليمپيادانىڭ ءبىرىنشى كۇنى جالپى ەسەپتە 10-ورىننان كورىندى
بۇگىن برازيليانىڭ ريو- دە جانەيرو قالاسىندا ءوتىپ جاتقان ХХХІ جازعى وليمپيادا ويىندارىنىڭ ءبىرىنشى كۇنىن قازاقستان وليمپياداشىلارى 1 كۇمىس، 1 قولا مەدال ەنشىلەپ، جالپى ەسەپتە ونىنشى ورىنمەن قورىتىندىلادى.
العاشقى جۇلدەنى دزيۋدودان ايەلدەر اراسىندا سىنعا تۇسكەن 48 كەلى سالماقتاعى ارۋىمىز گالبادراح وتگونسەسەگ ەنشىلەدى. ەكىنشى كۇمىس جۇلدەنى كۇرەستىڭ وسى تۇرىنەن ەرلەر اراسىنداعى بالۋانىمىز ەلدوس سمەتوۆ قانجىعاسىنا بايلادى.
وليمپيادانىڭ العاشقى كۇنى جارىس جولىنا شىققان وزگە سپورتشىلارىمىزعا كەلسەك. بوكسشىلارىمىزدان ءبىرىنشى بولىپ شارشى الاڭعا شىققان بەرىك ءابدىراحمانوۆ ا ق ش بوكسشىسىنان ۇتىلىپ قالدى.
ۆەلوسپورتشىلارىمىزدان 237 شاقىرىمدىق قاشىقتىقتا ەل نامىسىن قورعاعان اندرەي زەيتس مارە سىزىعىن سەگىزىنشى بولىپ كەستى.
براسس ادىسىمەن 100 مەترگە سۋعا جۇزۋدەن ونەر كورسەتكەن وتانداسىمىز دميتري بالاندين 59,47 سەكۋند ناتيجەمەن توعىزىنشى ورىنعا تابان تىرەپ، جارتىلاي فينالعا ءوتتى.
ۇستەل تەننيسىنەن قازاقستاندىق كيريلل گەراسيمەنكو العاشقى اينالىمىندا ۆەنگريالىق سپورتشى ادامۋ پاتتانتيۋشۋ - 1:4 (9:11, 9:11, 11:7, 7:11, 9:11) ەسەبىمەن ۇتىلدى.
ال پنيەۆماتيكالىق قارۋدان وق اتۋدان ونەر كورسەتكەن جەرلەستەرىمىز ۆلاديمير يساچەنكو مەن راشيد يۋنۋسمەتوۆ فينالعا وتە المادى. ۆلاديمير يساچەنكو 575 ۇپايمەن 23-ورىنعا تابان تىرەسە، راشيد يۋنۋسمەتوۆ 567 ۇپاي جيناپ، 40-ورىننان كورىندى.
بۇگىن قازاقستان سپورتشىلارىنان ەڭ سوڭعىلارىنىڭ ءبىرى بولىپ، 48 كەلىدەگى اۋىر اتلەت قىزىمىز مارگاريتا ەليسەيەۆا ونەر كورسەتتى. ول قوسسايىستىڭ قورىتىندىسى بويىنشا 187 (80+107) كەلىنى باعىندىرىپ، العاشقى وليمپياداسىن 5-ورىنمەن اياقتادى.
سونىمەن قازاقستان وليمپيادانىڭ العاشقى كۇنىندە ءبىر كۇمىس، ءبىر قولا ەنشىلەدى. ازىرگە جالپى كوماندالىق ەسەپتە جارىس قوجايىنى برازيليانى ارتقا تاستاپ، ونىنشى ورىندا تۇرمىز. توپ باسىندا ءبىر التىن مەن ءبىر كۇمىس بار وڭتۇستىك كورەيا مەن ا ق ش. ال ارگەنتينا، بەلگيا، ۆەنگريا، رەسەي، تايلاند، ۆەتنام ءبىر- ءبىر التىننان ەنشىلەگەن.
بۇگىن جالپى 16 مەملەكەتكە مەدال بۇيىردى. ازىرگە 1 التىن، 2 كۇمىس مەدال ولجالاعان ا ق ش كوش باستاپ تۇر. ونى مىنا كەستەدەن كورە الاسىزدار.
وليمپيادانىڭ ءبىرىنشى كۇنى ۇزدىك وىندىققا كىرگەن 10 ەل:
|
№ |
مەملەكەتتەر |
التىن |
كۇمىس |
قولا |
جالپى |
|
1 |
ا ق ش |
1 |
2 |
0 |
3 |
|
2 |
وڭتۇستىك كوريا |
1
|
1 |
0 |
2 |
|
3 |
جاپونيا |
1 |
0 |
3 |
4 |
|
4 |
ۆەنگەريا |
1 |
0 |
0 |
1 |
|
5 |
ارگەنتينا |
1 |
0 |
0 |
1 |
|
6 |
بەلگيا |
1 |
0 |
0 |
1 |
|
7 |
ۆەتىنام |
1 |
0 |
0 |
1 |
|
8 |
رەسەي |
1 |
0 |
0 |
1 |
|
9 |
قىتاي |
0 |
1 |
3 |
4 |
|
10 |
قازاقستان |
0 |
1 |
1 |
2 |
