مەكسيكا كامەرۋندى 1:0 ەسەبىمەن جەڭدى

استانا. قازاقپارات - «ا» توبىنىڭ كەزەكتى ويىنىندا مەكسيكا كامەرۋن قۇراماسىمەن جولىعىپ، مۋنديالداعى العاشقى جەڭىستەرىنە جەتتى.

 ەڭ اۋەلى، بۇل دوپ دوداسى كەزىندە تورەشىلەر ازىلدەسكەلى جۇرگەن سىڭايلى. وتە قاتتى، شىمبايعا تيەتىن قىلىقتارىمەن كوزگە ءتۇسىپ جاتىر.

كەشەگى ونيىنداعى (برازيليا- حورۆاتيا) بەلگلىەنگەن ون ءبىر مەترلىك ايىپ دوبىنىڭ ءوزى كوپكە كۇمان تۋدىرىپ جۇرگەنى انىق. ال، «ا» توبىنداعى كەلەسى كەلەڭسىزدىك مەكسيكا جانە كامەرۋن اراسىنداعى ويىندا ورىن الدى. «دوپتى قاداعالاۋ» ءادىسى بيىلعى مۋنديالدا ازىرگە ءوزىنىڭ كومەگىن كورسەتەر ەمەس. جاقسى جاعىنان قاراعاندا، زيانىن مولىنان تيگىزىپ جاتقانداي.

مەكسيكا جانە كامەرۋن اراسىنداعى قورىتىندى ەسەپ - 1:0. وريبە پەرالتانىڭ سالعان جالعىز گولى مەكسيكا قۇراماسىنا ءۇش ۇپاي سىيلادى. ونىڭ الدىندا دوس سانتوس تورەشىلەرگە ۇناماعان-اۋ شاماسى، ءار اتتاعان ادىمىنا الاڭ جيەگىندەگى تورەشى جالاۋشاسىن كوتەردى، نەگىزگى قاراۋشى ىسقىردى دا وتىردى (ءبىر ەمەس، ەكى گولىن ەسەپكە المادى. قايتالاۋ بارىسىندا ەشقانداي ارتىق اتتامنىڭ جوق ەكەنىن بايقادىق).

العاشقى ويىن بارىسىندا ەكى گولدى كورە تۇرا، ەسەپكە المادى. ءبىرىنشى تايمداعى تابلوداعى ەسەپ - 0:0. كامەرۋن قۇراماسى دا بىرنەشە شابۋىلدارىنان ەش ناتيجە شىعارا المادى. جارق ەتىپ شىعا كەلىپ، ءبارىن ءبىر ساتتە اياق استى ەتىپ جاتتى. ال، جاڭبىردىڭ استىندا «برازۋكانى» تەۋىپ جۇرگەن مەكسيكاندىقتار بۇگىنگى ويىندا جارادى. ەسەپكە الىنباعان گولدارعا نالىماي، الدىعا قاراي جۇرە بەردى. ويىننىڭ ەكىنشى بولىگىندە وريبە پەرالتا گول سالىپ، مەكسيكا قۇراماسىن ەسەپتە الدىعا شىعاردى. وسى ەسەپ ويىن سوڭىنا دەيىن ساقتالدى.

ويىنداعى جالعىز گولدىڭ اۆتورى - وريبە پەرالتا

«الامان»