07:35, 13 - قىركۇيەك 2017 | GMT +6
بايقوڭىردا «سويۋز م س-06» عارىش كەمەسىنىڭ ۇشىرىلىمى ءساتتى ءوتتى
بايقوڭىر. قازاقپارات - 13- قىركۇيەك كۇنى استانا ۋاقىتىمەن 03 ساعات 17 مينۋتتا «بايقوڭىر» عارىش ايلاعىنان رەسەيلىك- امەريكالىق ەكيپاجى بار «سويۋز م س-06» كولىكتىك باسقارىلاتىن كەمەسى ءساتتى ۇشىرىلدى، دەپ حابارلايدى قازاقپارات ءتىلشىسى.
حالىقارالىق عارىش ستانساسىنا (ح ع س) ۇزاقمەرزىمدى ەكسپەديتسياعا 53/54 جاڭا ەكيپاجى اتتاندى. ونىڭ قۇرامىندا كەمە كومانديرى، روس كوسموس عارىشكەرى الەكساندر ميسۋركين جانە بورتينجەنەرلەر، ناسا استروناۆتتارى مارك ۆاندە حاي جانە دجوزەف اكابا بار.
«سويۋز م س-06» كەمەسى ح ع س- تىڭ ۇشۋ باعدارلاماسىنا سايكەس ۇشىرىلدى جانە ول شتاتتىق رەجىمدە ءوتتى. 53/54 ەكيپاجى ح ع س- تا 167 تاۋلىك بولاتىنى كۇتىلۋدە. بۇعان دەيىن حابارلاعانىمىزداي، روس كوسموس ەكيپاجدىڭ كەمەگە وتىرعىزىلۋ ساتىنەن باستاپ، ءوزىنىڭ رەسمي سايتىندا تىكەلەي ەفير جۇرگىزدى.
ەسكە سالايىق، كەشە، 12 - قىركۇيەك كۇنى استانا ۋاقىتىمەن 01 ساعات 23 مينۋتتا «بايقوڭىر» عارىش ايلاعىنان «امازوناس-5» تەلەكوممۋنيكاتسيالىق سپۋتنيگى بار «پروتون- م» زىمىران تاسىعىشى ۇشىرىلدى.
اۋدارما: ميرا تولەندى قىزى
