13:49, 18 - قىركۇيەك 2016 | GMT +5
بايقوڭىردا «سويۋز م س-02» كەمەسىن ۇشىرۋ كەيىنگە شەگەرىلدى
استانا. قازاقپارات - «سويۋز م س-02» عارىش كەمەسىنىڭ ەكيپاجى رەسەيدىڭ مەملەكەتتىك كوميسسيانىڭ ۇشىرىلاتىن جاڭا مەرزىمدى بەكىتۋ تۋرالى شەشىمى قابىلدانعانعا دەيىن بايقوڭىر عارىش ايلاعىندا قالادى.
بۇل تۋرالى ت ا س س زىمىران-عارىش سالاسىنداعى اقپارات كوزىنە سىلتەمە جاساپ حابارلادى.
اقپارات كوزى حابارلاعانداي، ازىرگە «سويۋز-ف گ» زىمىران تاسىعىشىن «سويۋز م س-02» كەمەسىمەن ۇشىرتۋ ازىرگە رەزەرۆتىك مەرزىمگە - 24- قىركۇيەككە شەگەرىلدى. ەكيپاج وسى كۇنى ۇشىرىلادى دەپ دايىندالىپ جاتىر.
كەمەنى ۇشىرۋ مەرزىمىنىڭ شەگەرىلۋىنىڭ باستاپقى سەبەبى زىمىران- تاسىعىشتىڭ باس وراي اعىزعىشى تۇبىندەگى قىسقا تۇيىقتالۋمەن بايلانىستى بولدى. ولقىلىقتى ۇشۋ الدىنداعى سىناقتا بايقاعان.
