ءۇندىستان 000 4000 مۇسىلماندى جەر اۋدارۋى مۇمكىن

  استانا. قازاقپارات - ءۇندىستاننىڭ اسسام شتاتىندا تۇراتىن  4000000   مۇسىلمان دەپورتاتسياعا ۇشىراۋى مۇمكىن. ولاردىڭ ەسىمى ۇلتتىق ازاماتتىق تىزىمگە ەنبەي قالعان.

شىلدە ايىنىڭ 30-جۇلدىزىندا ءۇندىستاننىڭ جوعارى سوتى 1951 -جىلدان بەرى جاڭارتىلماعان ازاماتتىق ءتىزىمدى قايتا جاساپ شىعۋىن ماقۇلداعان بولاتىن.

بيلىك وكىلدەرىنىڭ ايتۋىنشا، تىزىمگە ەنبەگەن  000 4000 جان بانگلادەشتەن كەلگەن زاڭسىز بوسقىندار بولۋى مۇمكىن. ال، ەندى ولاردىڭ ءۇندىستان جەرىندە قالۋى ءۇشىن 1951 -جىلعا دەيىن وسى جەردە وزدەرى نە اتا- انالارى تۇرعانىن ايعاقتايتىن قۇجاتتار قاجەت كورىنەدى.

دەگەنمەن، اسسام شتاتىنىڭ باسشىلارى ازىرگە دۇرلىگۋدىڭ ەش سەبەبى جوقتىعىن ايتىپ وتىر. ازاماتتىق تىزىمگە ەنبەي قالعاندار قىركۇيەك ايىنا دەيىن اپەللياتسياعا بەرۋىنە بولادى دەيدى.

«كەي ادامدار ەش نەگىزسىز بايبالامداۋ ۇستىندە. بۇل تەك جوبا عانا، ال ءتىزىم ءالى ناقتى ەمەس» ، - دەيدى ىشكى ىستەر ءمينيسترى رادجناتح سينگح.