ەلىمىزدە التىن ءوندىرىسى 0,7 پايىزعا ارتتى
بۇل 2018-جىلدىڭ قاڭتارىنداعى مولشەردەن 0,7 پايىزعا ارتىق، دەپ حابارلايدى قازاقپارات ءتىلشىسى.
ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ دەرەگىنە سايكەس، ەسەپتى كەزەڭدەگى وڭدەلمەگەن جانە جارتىلاي وڭدەلگەن نەمەسە ۇنتاق تۇرىندەگى كۇمىس ءوندىرىسىنىڭ كولەمى 57175 كەلى بولدى. بۇل دا 2018-جىلدىڭ قاڭتارىنداعى ءوندىرىس كولەمىنەن 4,1 پايىزعا ارتىق.
ايتا كەتەرلىگى، قاڭتاردا كەيبىر باعالى مەتالدار ءوندىرىسىنىڭ ءبىرشاما تومەندەگەنى بايقالادى. ناقتى ايتقاندا، وڭدەلمەگەن اليۋميني، اليۋميني توتىعى ءوندىرىسىنىڭ كولەمى 2018-جىلدىڭ قاڭتارىمەن سالىستىرعاندا 13,2 پايىزعا تومەندەپ، 131134 توننا بولدى. ال وڭدەلمەگەن تازارتىلعان قورعانىس ءوندىرىسى 20,7 پايىزعا ازايىپ، 10470 توننانى، وڭدەلمەگەن مىرىش ءوندىرىسى 3,5 پايىزعا كەمىپ، 27492 توننانى قۇرادى. وڭدەلمەگەن تازارتىلعان، قوسپاسىز مىس ءوندىرۋ كولەمى 2,8 پايىزعا ءوسىپ، 36787 تونناعا جەتتى.
ەستەرىڭىزگە سالا كەتسەك، بۇعان دەيىن ق ر ۇ ە م ستاتيستيكا كوميتەتى 2018-جىلدىڭ قاڭتار-قاراشا ايلارىندا قازاقستاندا وڭدەلمەگەن جانە جارتىلاي وڭدەلگەن نەمەسە ۇنتاق تۇرىندەگى التىن ءوندىرىسىنىڭ كولەمى 88491 كەلىنى قۇراعانىن جاريالاعان ەدى. بۇل وتكەن جىلدىڭ سايكەس كەزەڭىمەن سالىستىرعاندا، 14,1 پايىزعا كوپ.
ەسەپتى كەزەڭدە وڭدەلمەگەن جانە جارتىلاي وڭدەلگەن نەمەسە ۇنتاق تۇرىندەگى كۇمىس ءوندىرىسىنىڭ كولەمى 879737 كەلىگە جەتتى. بۇل وتكەن جىلمەن سالىستىرعاندا 8,3 پايىزعا ارتىق كورسەتكىش بولاتىن.