08:55, 12 - اقپان 2019 | GMT +6
قازاقستاندا جاڭا ۇيلەر جىل باسىنان بەرى 0,6 پايىزعا قىمباتتادى
استانا. قازاقپارات - قازاقستاندا جاڭا ءۇيدىڭ 1 شارشى مەترى 2019-جىلدىڭ قاڭتار ايىندا 277368 تەڭگەنى قۇراپ، وتكەن ايمەن سالىستىرعاندا 0,6 پايىزعا، ال 2018-جىلدىڭ قاڭتار ايىنداعى كورسەتكىشتەن قاراعاندا 3,2 پايىزعا قىمباتتادى، دەپ حابارلايدى قازاقپارات ءتىلشىسى ق ر ۇلتتىق ەكونوميكا مينيسترلىگىنىڭ ستاتيستيكا كوميتەتىنە سىلتەمە جاساپ.
جايلى جابدىقتالعان ۇيلەردىڭ 1 شارشى مەترىن قايتا ساتۋداعى ورتاشا باعا قاڭتار ايىندا 189127 تەڭگەنى قۇراعان. بۇل كورسەتكىش وتكەن جىلدىڭ جەلتوقسان ايىمەن سالىستىرعاندا 0,3 پايىزعا، 2018-جىلدىڭ قاڭتار ايىنا قاراعاندا 2 پايىزعا قىمباتتاعان. جايلى جابدىقتالماعان ۇيلەردىڭ باعاسى 118834 مىڭ تەڭگەنى قۇراپ وتىر.
ال ەلىمىزدە جايلى جابدىقتالعان ۇيلەردىڭ 1 شارشى مەترىن جالعا الۋدىڭ ورتاشا باعاسى 1421 تەڭگەنى (1,5+ پايىز جانە 7,3 پايىز) كورسەتكەن.