ە و يراننىڭ يزرايلگە شابۋىلىن ايىپتادى
استانا. KAZINFORM - ەۋروپالىق وداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى جوزەپ بوررەل تاياۋ شىعىستاعى جاعدايعا قاتىستى قىسقاشا مالىمدەمە جاسادى.
«ەۋروپالىق وداق يراننىڭ يزرايلگە قارسى شابۋىلىن قاتاڭ ايىپتايدى. بۇل بۇرىن-سوڭدى بولماعان ەسكالاتسيا جانە ايماقتىق قاۋىپسىزدىككە ەلەۋلى قاتەر»، - دەپ جازدى ەۋروپالىق ديپلوماتيانىڭ باسشىسى X جەلىسىندە.
ەۋروپالىق كەڭەس باسشىسى شارل ميشەل دە يراننىڭ يزرايلگە شابۋىلىن قاتاڭ ايىپتادى.
«ايماقتىق شيەلەنىستىڭ ودان ءارى ورشۋىنە جول بەرمەۋ ءۇشىن بارلىعىن جاساۋ كەرەك. بۇدان ءارى قانتوگىسكە جول بەرمەۋىمىز كەرەك. ءبىز ارىپتەستەرىمىزبەن بىرگە جاعدايدى ءجىتى باقىلاۋدى جالعاستىرامىز»، - دەدى ش. ميشەل.
بۇعان دەيىن يران يزرايلگە قاراي ۇشقىشسىز ۇشاقتارىن ۇشىرىپ، تەگەران ۇستىندەگى اۋە كەڭىستىگىن جاۋىپ تاستاعان بولاتىن.
يران 1-ساۋىردە داماسكىدەگى يران كونسۋلدىعىنا جاسالعان اۋە شابۋىلىنا جاۋاپ قايتارۋعا ۋادە بەرىپ، سونىڭ سالدارىنان يران يسلام ريەۆوليۋتسياسى ساقشىلار كورپۋسىنىڭ بىرنەشە قولباسشىسى، ونىڭ ىشىندە ەكى گەنەرال قازا تاپتى.
يزرايل الدەقاشان يران نەمەسە ونىڭ جاقتاستارى شابۋىلىنا جوعارى دايىندىقتى باستاپ كەتكەن.
