ە و سانكسيالار جونىندەگى ارنايى وكىلى: بىلتىردان بەرى قازاقستانمەن ايتارلىقتاي ىلگەرىلەۋگە قول جەتكىزدىك

استانا. KAZINFORM - ەۋروپالىق وداقتىڭ سانكسيالار جونىندەگى ارنايى وكىلى دەۆيد و'سالليۆان استانادا وتكەن باسپا ءسوز كونفەرەنسيادا قازاقستانمەن اراداعى قارىم-قاتىناستىڭ ءبىر جىلعى جۇمىسىنىڭ قورىتىندىسىن ءمالىم ەتتى.

Еуропалық Одақ Қазақстан
Фото: Kazinform

«مەنىڭ قازاقستانعا ۇلى بريتانيا مەن ا ق ش- تان كەلگەن ارىپتەستەرىممەن بىرگە جاساعان ساپارىمنان بەرى قازاقستاننان 50 تاۋاردىڭ تۇرىنە ەرەكشە ءمان بەرۋدى سۇراعانبىز. بۇل سانكسياعا ىلىنگەن تاۋارلار مەن بۇيىمداردىڭ ەڭ ءبىر از بولشەگى دەۋگە بولادى. مەن ول 50 ءتۇرلى تاۋاردى «مايدان الاڭىنان تابىلعان بۇيىمدار» دەپ اتاعاندى ءجون كورەمىن. ويتكەنى ول بۇيىمداردىڭ ءبىزدىڭ ۋكراينالىق ارىپتەستەرىمىز مايدان الاڭىنداعى رەسەيلىك قارۋ-جاراقتاردان تاپقان. بۇل جەردە وسى 50 ءتۇرلى تاۋار اتالىمى جالپى تاۋار اينالىمىنىڭ 1 پايىزىن عانا قۇرايتىنىن ايتقىم كەلەدى. بۇل بۇيىمداردىڭ ۇلەسى جالپى كولەمى بويىنشا دا، باعاسى بويىنشا دا وتە شاعىن. ءبىراق ولاردىڭ قارۋلانۋ ىسىندە قۇندىلىعى بار جانە سوعىستا دەسترۋكتيۆتىك بۇلدىرگىش سيپاتقا يە»، - دەدى ەۋروپالىق وداق وكىلى.

Дэвид О'Салливан
Фото: Солтан Жексенбеков/ Kazinform

سونداي-اق، ول بىلتىر ساپارىنان كەيىن رەسەي مەن قازاقستان اراسىنداعى تاۋار اينالىمى ۇدايى باقىلاۋدا ەكەنىن ايتتى.

«بۇل ماسەلەدە بىلتىرعى 1-ساۋىردەن بەرى بەلگىلى ءبىر ىلگەرىلەۋگە قول جەتكىزگەنىمىزدى اتاپ وتكىم كەلەدى. ءبىز اتالعان بۇيىمداردىڭ قازاقستان ارقىلى جاسالعان يمپورت جانە رەەكسپورت كورسەتكىشتەرى ايتارلىقتاي تۇسكەنىن كورىپ وتىرمىز. ياعني، بۇل جەردە جاعىمدى ىلگەرىلەۋ ايقىن كورىنىپ تۇر. ءبىراق ءوز تاجىريبەمە سۇيەنىپ بۇل باعىتتاعى جۇمىس ۇنەمى كۇش سالىپ، ۇدايى قايتا قاراپ وتىرۋدى قاجەت ەتەدى»، - دەدى دەۆيد و'سالليۆان.

سوڭعى جاڭالىقتار