رەسەي قازاقستانعا ا ە س قۇرىلىسى ءۇشىن نەسيە بەرەدى

بۇل تۋرالى اتوم ەنەرگياسى جونىندەگى اگەنتتىك ءتوراعاسى الماسادام ساتقاليەۆ مالىمدەدى.

الماسادام ساتقاليەۆ ا ە س قۇرىلىسىن قارجىلاندىرۋدا قيىندىق تۋىندامايتىنىن ايتتى. ونىڭ سوزىنشە، قازاقستان مەن رەسەي مەملەكەتارالىق نەسيە مەحانيزمىن ازىرلەپ جاتىر.

«ءبىرىنشى كەلىسىم اتوم ستانتسياسى قۇرىلىسىنا، ال ەكىنشى كەلىسىم رەسەي تاراپىنان قارجىلاندىرۋعا قاتىستى. 85 پايىزى نەسيە تۇرىندە، 15 پايىزى قازاقستان ۇكىمەتى تاراپىنان بولىنەدى دەپ قاراستىرىلعان»، - دەدى ول.

جوبانىڭ تۇپكىلىكتى قۇنى جوبالاۋ جۇمىستارى اياقتالعاننان كەيىن ايقىندالادى. اگەنتتىك ءتوراعاسىنىڭ ايتۋىنشا، ءارقايسىنىڭ قۋاتى 1200 مەگاۆاتت بولاتىن ەكى ەنەرگيا بلوگى ءۇشىن سوماسى شامامەن 15 ميلليارد دوللارعا جەتۋى مۇمكىن.

ەسكە سالايىق، بۇعان دەيىن قازاقستاندا ا ە س سالىنۋى مۇمكىن تاعى ءبىر ءوڭىر اتالدى.