ەڭ قارت دارىگەر: 103 جاستاعى ا ق ش ازاماتى گيننەستىڭ رەكوردتار كىتابىنا ەندى
ا ق ش- تاعى ەڭ قارت دارىگەر رەتىندە تاريحتا قالعان حوۆارد تاكەر 103 جاسىنا دەيىن ەڭبەك ەتىپ، مەديتسينادا وشپەس ءىز قالدىردى. ول 1947 -جىلدان باستاپ دارىگەرلىك قىزمەتپەن اينالىسىپ، 2022 -جىلعا دەيىن ۇزدىكسىز جۇمىس ىستەدى.
ءتىپتى ءومىرىنىڭ سوڭعى كەزەڭىندە دە كاسىبىنەن قول ۇزبەي، 2025 -جىلدىڭ 22 -جەلتوقسانىنا دەيىن، ياعني قايتىس بولاردان ەكى اي بۇرىن عانا جۇمىسىن توقتاتقان، دەپ حابارلايدى turkystan.kz.
2021 -جىلى Guinness World Records ونى 98 جاسىندا «ەڭ جاسى ۇلكەن تاجىريبەلى دارىگەر» رەتىندە تىركەگەن. كەيىن ول 103 جاس 83 كۇنگە دەيىن ەڭبەك ەتىپ، بۇل رەكوردتى ودان ءارى جاڭارتتى.
كليۆلەند قالاسىندا ءومىر سۇرگەن دارىگەر بۇكىل عۇمىرىن ادامداردىڭ ءومىرىن جاقسارتۋعا ارنادى. ونىڭ ادامگەرشىلىگى مەن مەيىرىمى نەمەرەسى وستين تاكەر تۇسىرگەن دەرەكتى فيلمدە دە كورىنىس تاپقان.
پاندەميا كەزىندە دە ول جۇمىسىن جالعاستىرىپ، St. Vincent Charity Medical Center بازاسىندا ناۋقاستاردى ەمدەپ، جاس دارىگەرلەردى وقىتتى. سونىمەن قاتار Case Western Reserve University ستۋدەنتتەرىنە مەديتسينا جانە قۇقىق سالالارىنان ءدارىس بەرگەن، ول زاڭگەر ماماندىعىن دا مەڭگەرگەن.
كوپ جىل بويى نيەۆرولوگيا سالاسىندا ەڭبەك ەتىپ، University Hospitals قۇرىلىمىندا قىزمەت اتقاردى جانە Hillcrest Hospital مەكەمەسىندە نيەۆرولوگيا ءبولىمىنىڭ جەتەكشىسى بولدى. سونداي-اق American Academy of Neurology مۇشەسى رەتىندە عىلىمي قاۋىمداستىقتا دا بەلسەندى بولعان.
