ۇ ق ش ۇ سەسسياسىندا پرەزيدەنتتەر قانداي ماسەلەلەردى تالقىلادى
استانا. KAZINFORM - مەملەكەت باسشىسى قاسىم-جومارت توقايەۆ ەلوردادا ۇجىمدىق قاۋىپسىزدىك تۋرالى شارت ۇيىمى ۇجىمدىق قاۋىپسىزدىك كەڭەسى سەسسياسىنىڭ وتىرىسىندا قانداي ماسەلەلەردى تالقىلاعانىن ايتتى.
«جاڭا عانا وتىرىسقا قاتىسۋشىلار شاعىن قۇراممەن حالىقارالىق جانە وڭىرلىك قاۋىپسىزدىكتىڭ وزەكتى ماسەلەلەرى تۋرالى جان-جاقتى پىكىر الماستى. بيىل قازاقستاننىڭ توراعالىعىمەن ۇ ق ش ۇ قىزمەتىنىڭ نەگىزگى قورىتىندىلارى تالقىلاندى. كەزدەسۋ قورىتىندىسى ءبىزدىڭ ۇجىمدىق قاۋىپسىزدىككە ءتونۋى مۇمكىن سىن-تاۋەكەلدەر مەن قاۋىپ-قاتەردىڭ الدىن الۋ ءۇشىن بىرلەسىپ ارەكەت ەتۋگە دايىن ەكەندىگىمىزدى تاعى دا راستادى»، - دەدى پرەزيدەنت ۇجىمدىق قاۋىپسىزدىك كەڭەسىنىڭ كەڭەيتىلگەن قۇرامىنداعى وتىرىسىندا.
مەملەكەت باسشىسىنىڭ ايتۋىنشا، كەڭەس مۇشەلەرى تالقىلاۋ كەزىندە حالىقارالىق كۇن تارتىبىندەگى وزەكتى ماسەلەلەر بويىنشا ۇستانىمداردى پىسىقتاعان.
«ءبىزدىڭ قازىرگى احۋالدى جالپى باعالاۋىمىز جانە ۇ ق ش ۇ- نىڭ ودان ءارى دامۋى تۋرالى پايىمىمىز قازاقستاننىڭ باستاماسى بويىنشا ازىرلەنگەن ۇجىمدىق قاۋىپسىزدىك كەڭەسىنىڭ دەكلاراتسياسىندا كورسەتىلگەن»، - دەدى قاسىم-جومارت توقايەۆ.
پرەزيدەنت بۇگىنگى باس قوسۋدا ەكىنشى دۇنيەجۇزىلىك سوعىستىڭ اياقتالعانىنا 80 جىل تولۋىن اتاپ ءوتۋ ماسەلەسىنە ەرەكشە نازار اۋدارىلعانىن ايتتى.
