ۇ ق ش ۇ قاۋىپسىزدىك كەڭەسىنىڭ كەلەسى سەسسياسى بىشكەكتە وتەدى
استانا. KAZINFORM – ۇ ق ش ۇ قاۋىپسىزدىك كەڭەسىنىڭ كەلەسى سەسسياسى بىشكەكتە 2025-جىلى وتەدى.
بۇل تۋرالى ۇ ق ش ۇ ۇجىمدىق قاۋىپسىزدىك كەڭەسى كەزەكتى سەسسياسىنىڭ كەڭەيتىلگەن قۇرامداعى وتىرىسىندا مەملەكەت باسشىسى قاسىم-جومارت توقايەۆ ايتتى.
«ۇ ق ش ۇ قاۋىپسىزدىك كەڭەسىنىڭ كەلەسى سەسسياسىن 2025-جىلدىڭ IV توقسانىندا قىرعىز رەسپۋبليكاسىندا وتكىزۋ ۇسىنىلادى. ەگەر قارسىلىق بولماسا، بۇل ماسەلەنى كەلىسىلدى دەپ ساناپ، ءتيىستى حاتتامالىق شەشىمدى راسىمدەۋدى ۇسىنامىن. قارسىلىق جوق»، - دەدى قاسىم-جومارت توقايەۆ.
ايتا كەتەيىك، ۇ ق ش ۇ- نىڭ قاۋىپسىزدىك كەڭەسىنىڭ كەزەكتى سەسسياسى شاعىن جانە كەڭەيتىلگەن قۇرامدا ءوتتى. وندا مەملەكەت باسشىسى قازاقستان ءتوراعالىق ەتكەن كەزەڭدە ۇ ق ش ۇ- نىڭ الدىنداعى مىندەتتەردىڭ ءبارى ورىندالعانىن ايتتى.
سونداي-اق ۇ ق ش ۇ ۇجىمدىق قاۋىپسىزدىكتى قامتاماسىز ەتۋگە باعىتتالعان ءتيىمدى جانە سۇرانىسقا يە حالىقارالىق قۇرىلىم رەتىندە ارەكەت ەتەتىندىگىنە نازار اۋدارتتى.
