ەڭ جوعارى ەكونوميكالىق ءوسىم كورسەتكەن وڭىرلەر اتالدى - ۇكىمەت وتىرىسى
استانا. KAZINFORM - بۇگىن بىلتىرعى جىلدىڭ قورىتىندىسىنا ارنالعان ۇكىمەتتىڭ كەڭەيتىلگەن وتىرىسىندا پرەمەر-مينيستر ولجاس بەكتەنوۆ وڭىردەردىڭ ەكونوميكالىق وسىمىنە تۇسىنىك بەردى.

- وڭىرلەر بولىنىسىندە وتكەن جىلدىڭ قورىتىندىسى بويىنشا ەڭ جوعارى ەكونوميكالىق ءوسىم سولتۇستىك قازاقستان، قاراعاندى، تۇركىستان، قىزىلوردا وبلىستارى مەن استانا جانە شىمكەنت قالالارىندا تىركەلدى. نەگىزگى كورسەتكىشتەردىڭ تومەن ديناميكاسى ۇلىتاۋ، اتىراۋ، باتىس قازاقستان، جامبىل وبلىستارىندا قالىپتاستى، - دەدى ولجاس بەكتەنوۆ.
بۇدان بۇرىن حابارلانعانداي، 2024 -جىلى ەكونوميكا 4,8 پايىزعا ءوستى. اۋىل شارۋاشىلىعىندا 13,7 پايىز، قۇرىلىستا - 13,1، ساۋدادا - 9,1، كولىك سالاسىندا 8,5 پايىز دەڭگەيىندە وسىمگە قول جەتكىزىلدى. وڭدەۋ ونەركاسىبىنىڭ كولەمى 5,9 پايىزعا ۇلعايدى. اگرارلىق سەكتور مەن وڭدەۋشى سالادا سوڭعى 10 جىل ىشىندەگى ەڭ قارقىندى ءوسىم تىركەلدى.
اۆتور
رۋسلان عابباسوۆ