ۇ ب ت-دان 1 بالل جيناعان تۇلەك شەتەلدە وقىماقشى

استانا. قازاقپارات - گرانت بويىنشا ەكسپەرت وماربەك كوشكىمباي ۇلى ۇ ب ت-دان 1 بالل العان تۇلەككە ىزدەۋ سالدى.

«ۇ ب ت-دان 1 بالل العان ەراسىلدى ىزدەپ جاتىرمىن. ەراسىل، اينالايىن، مەن ساعان گرانتقا الىپ بارار ءتورت تاڭداۋ جاساپ بەرمەيمىن، ءبىراق ومىردە قاجەت ماڭىزدى ءتورت تاڭداۋ ۇسىنامىن. ەگەر جاقىندا بولساڭ، كەل، بىرگە كوفە، شاي ىشەيىك. ەگەر الىستا بولساڭ، ونلاين سويلەسەيىك. مەن سەنى كۇتەمىن، ەراسىل»، - دەدى ول Instagram-داعى ستوريسىندە.

كەيىنىرەك ەكسپەرت ەراسىلمەن كەزدەسىپ، وعان ومىردە قاجەت اقىل-كەڭەستەرىن ايتقان.

ال ۇ ب ت-دان 1 بالل جيناعان تۇلەك شەتەلدە وقيتىن نيەتى بار ەكەنىن ايتتى.

«ەراسىل شەتەلگە بارايىن دەپ جاتىر. ەراسىل، اينالايىن، ساعان ساتتىلىك تىلەيمىن. قايدا جۇرسەڭ دە، امان بول. ەڭ باستىسى، ءبىزدىڭ وسى قازاقتىڭ تاربيەسىن، قۇندىلىعىن ۇمىتپا. بۇيىرسا، ءتورت- بەس جىلدان كەيىن جاقسى مامان بولىپ، ەلىڭە قايتىپ كەلۋىڭە تىلەكتەسپىن»، - دەدى وماربەك كوشكىمباي ۇلى.

ەسكە سالايىق، بۇعان دەيىن ەراسىل ۋاليەۆ ۇلتتىق ءبىرىڭعاي تەستىلەۋ ناتيجەسى بويىنشا 1 بالل جيناعانىن حابارلاعان ەدىك.

كەيىنىرەك ۇلتتىق تەستىلەۋ ورتالىعى قىزمەتكەرلەرى ەراسىل ۋاليەۆتىڭ ەكى رەت - 12 جانە 30 ماۋسىمدا الماتىدا تەستىلەۋدەن وتكەنىن مالىمدەدى.

«12-ماۋسىمدا بۇل تەست تاپسىرۋشى 93 بالل جينادى، 30-ماۋسىمدا ول 1 بالل جينادى، ءبىراق ول تەستىلەۋدەن بار بولعانى 4 مينۋت وتكەنىن اتاپ وتكەن ءجون»، - دەپ ءتۇسىندىردى تەستىلەۋ ورتالىعى قىزمەتكەرلەرى.