يران اۋەجايلارى شەكتەۋلەردى الىپ تاستاپ، جۇمىسىن قايتا جانداندىردى

استانا. KAZINFORM - يران 7-قازان كۇنى تاڭەرتەڭگە دەيىن اۋە قاتىناسىنا بۇرىن ەنگىزىلگەن شەكتەۋلەردى الىپ تاستادى. بۇل تۋرالى يسلام رەسپۋبليكاسىنىڭ ازاماتتىق اۆياتسيا ۇيىمىنىڭ وكىلى دجافار يازەرلۋ مالىمدەدى، دەپ جازادى تاسس.

- وپەراتسيالىق كەدەرگىلەردىڭ جويىلۋىنا بايلانىستى اۋە رەيستەرىنە بۇرىن جاريالانعان شەكتەۋلەر جويىلدى. بۇگىن 23:00-دەن باستاپ (استانا ۋاقىتى بويىنشا 00:30) رەيستەر ادەتتەگىدەي ورىندالىپ جاتىر، - دەدى دجافار يازەرلۋ IRNA اگەنتتىگىنە.

بۇعان دەيىن حابارلاعانىمىزداي، يراننىڭ ازاماتتىق اۆياتسيا ۇيىمى 6-قازان كۇنگى ساعات 22:30-دان 7-قازان كۇنگى 07:30-عا دەيىن ەلدەگى بارلىق اۋەجايلاردان رەيستەردى توقتاتقان.

بۇعان دەيىن ءيزرايلدىڭ بەيرۋتكە جاڭا شابۋىلدار جاساعانى حابارلانعان بولاتىن.

ايتا كەتەيىك، يران يزرايلگە زىمىراندار ۇشىردى. يەمەن دە پالەستينا مەن ليۆاندى قولداپ، تەل-اۆيۆتەگى يزرايلدىڭ اسكەري نىساناسىنا شابۋىل جاساۋ ءۇشىن يافا ۇشقىشسىز ۇشاعىن پايدالاندى.

يزرايل ءوز كەزەگىندە يراننان كەك الۋعا ۋادە بەردى.

اۆتور
ەركەجان سماعۇلوۆا