ينفلياتسيا 2027-2028-جىلدارى 5 پايىزعا تومەندەيدى - حالىقارالىق ۆاليۋتا قورى
استانا. KAZINFORM - قازاقستان رەسپۋبليكاسىنا ارنالعان ميسسيانىڭ قورىتىندىسى بويىنشا حالىقارالىق ۆاليۋتا قورىنىڭ قورىتىندى مالىمدەمەسى جاريالاندى. بۇل تۋرالى ق ر ۇلتتىق بانكىنىڭ باسپا ءسوز قىزمەتى ءمالىم ەتتى.
18-قىركۇيەك پەن 1-قازان ارالىعىندا قازاقستان ح ۆ ق ميسسياسىن قابىلدادى. ساپار قورىتىندىسى بويىنشا قازىرگى ماكروەكونوميكالىق احۋالعا جانە ىسكە اسىرىلىپ جاتقان قۇرىلىمدىق رەفورمالارعا، اقشا-كرەديت جانە فيسكالدىق ساياساتقا شولۋ، سونداي-اق نەگىزگى قورىتىندىلار مەن ۇسىنىمدار قامتىلعان قورىتىندى مالىمدەمە جاريالاندى.
ميسسيانىڭ پىكىرىنشە، قازاقستان ەكونوميكاسى ورنىقتى، ينفلياتسيا بىرتىندەپ تومەندەپ كەلەدى، كرەديتتەۋدىڭ جوعارى ءوسۋ قارقىنىنا قاراماستان، بانك جۇيەسى تۇتاستاي العاندا تۇراقتى.
2025-جىلى ەكونوميكانى قولداۋعا ارنالعان بيۋجەتتىك شىعىستار مەن تەڭىز مۇناي كەن ورنىن كەڭەيتۋ اياسىندا ەكونوميكالىق ءوسىم جەدەلدەيدى دەپ كۇتىلۋدە. ال، قازاقستانمەن ساۋدا-سەرىكتەس ەلدەردىڭ ەكونوميكاسىنداعى ءوسۋ كورسەتكىشىنىڭ ىقتيمال باياۋلاۋى، گەوساياسي جاعدايدىڭ پوتەنتسيالدى شيەلەنىسۋى، سونداي-اق شيكىزات تاۋارلارى باعاسىنىڭ قۇبىلا ءتۇسۋى - تاۋەكەل فاكتورلارى قاتارىندا ايتىلدى.
«ح ۆ ق ساراپشىلارى 2024-جىلدىڭ تامىز ايىندا ينفلياتسيا تومەندەگەنىن اتاپ ءوتتى جانە ول 2024-جىلدىڭ سوڭىنا قاراي %8,3 عا دەيىن، ال 2027-2028 -جىلدارعا قاراي %5 عا دەيىن تومەندەيدى دەپ بولجايدى. ۆاليۋتا باعامىنىڭ يكەمدىلىگى اياسىندا اقشا-كرەديت ساياساتى تيىمدىلىگىنىڭ ارتۋى، سونداي-اق 2023-جىلدىڭ اقپان ايىنان باستاپ ىشكى باعالاردى تۇراقتاندىرعان بازالىق مولشەرلەمەنى تومەندەتۋگە قاتىستى قازاقستان ۇلتتىق بانكىنىڭ بايىپتى ۇستانىمى - قولايلى فاكتور رەتىندە اتالدى»، - دەلىنگەن بانك حابارلاماسىندا.
ميسسيا قارجى سەكتورىنداعى تۇراقتىلىقتى ارتتىرۋ شارالارىن وڭ باعالادى. بۇل رەتتە ح ۆ ق ق ر بيۋجەتىنىڭ ۇلتتىق قور رەسۋرستارىنا شامادان تىس تاۋەلدىلىگىنە الاڭداۋشىلىق بىلدىرەدى. ساراپشىلار فيسكالدىق شوعىرلاندىرۋ، اشىقتىق جانە بيۋجەتتىك قاعيدالارعا نەگىزدەلگەن فيسكالدىق جۇيەنىڭ نەگىزدەرىن نىعايتۋ ماڭىزدىلىعىنا دەن قويادى. بۇدان باسقا، ميسسيا «ەكونوميكانى ىرىقتاندىرۋ شارالارى تۋرالى» ق ر پرەزيدەنتىنىڭ جارلىعىندا كوزدەلگەن قۇرىلىمدىق رەفورمالاردى جۇرگىزۋ ماڭىزدىلىعىنا دا توقتالىپ ءوتتى.
IV باپ بويىنشا ح ۆ ق ميسسياسىنىڭ كەلەسى ساپارى 2025-جىلدىڭ مامىرىندا وتەدى.
ەسكە سالا كەتەيىك، بۇعان دەيىن ۇلتتىق بانك SHAŃYRAǴYŃYZ SHATTYQQA TOLSYN كوللەكتسيالىق مونەتالارىن اينالىمعا شىعاراتىنىن جازعان بولاتىنبىز.